شغالتي قالت لي اليوم وش تسوي هي وزوجي اذا طلعت برا الله يفرج همكم شوروا علي

السلام عليكم ورحمة الله وبركاته
بنات الله يخليكم فرجوا همي الله يفرج همكم

عندي شغاله اندونيسيه شغلها حلو مره ونظيفه صار لها شهر عندي اول مره تجي السعوديه اشتغلت من قبل في
الصين طريقتي معها مااخليها تطلع قدام زوجي ومفهمتها انه مايبي كذا (ياللهول) البسها ملابس ساتره ومفهمتها ان
حنا مسلمين ونحب الستر عشان تخاف- مالها اي احتكاك بزوجي ولا اولادي وانا قايله لزوجي مالك علاقه فيها مع اني اثق فيه ثقه عمياء

اليوم الصباح:
قالت مدام ابغى اخبرك بشي توقعتها بتقول تبي تسافر لكن صدمتني (الحوار بالانجليزي)
تقول بابا يسوي مشكله معها قلت كيف وبدت تسرد لي القصه
المشهد الاول قبل اسبوع بعد ما وصلني زوجي للمشوار اللي انا رايحه له رجع البيت وناداها من غرفتها وطلب منها تسوي له شاي مع انه مايتجرأيطلب منها هالشي قدامي
راحت المطبخ ولحقها يوريها كيف تسويه وهو لابس ملابس داخليه وقال اذا خلصتي جيبيه
بعدها سالها كم بيبي عندك مع انه يعرف وكم اشتغلتي في الصين
الشغاله : سنه
زوجي :سنه ماشفتي زوجك ولا لمسك
واسئله نسيتها
الشغاله :خلاص اروح انام
زوجي :ايوه تصبحين على خير
هذي مقدمه من زوجي عشان يستدرجها (دايما ابليس يبدا بخطوه بسيطه) وطلب منها ماتقول لي

المشهد الثاني قبل يومين كنت في زياره عائليه :
رجع البيت وطلب منها نفس الشي انها تسوي ساي وتجيبه وهو بنفس الملابس الداخليه
كان جالس عالكمبيوتر وقام يسألها برضه عن زوجها وعن وضعها في الصين وجاكرتا
زوجي:انتي تلبسين حجاب في اندونيسيا قالت اذا بالبيت لا بس اذا طلعت اتحجب اذا هي صادقه
زوجي :وفي الصين قالت هم مسيحيين عادي عندهم يلبسون قصير وكت
ماادري اذا كانت توصف له لبسها
زوجي:انتي اشتغلتي بفندق في اندونيسيا تعرفين تسوين مساج مدري اذا قصده انها من بنات الهوى
الشغاله :لا مااشتغلت
زوجي:كم مره تسوينها مع زوجك(يقصد الجماع)
طبعا هي ماتقول لي ردودها كل شي تقول لي مدري
زوجي :انا ومدام نسويها لمدة نص ساعه(شكله يبي يثيرها )
بعدها طلب منها تسخن مويه حاره عشان اذا احتاج شاي يناديها تسوي له ثم راحت لغرفتها

المشهد الثالث: في نفس الليله رجع يناديها مر ثانيه
زوجي:انتي نايمه الشغاله:لا اصلي (تقول ان الافكار قامت توديها وتجيبها لدرجة انها صلت مره ثانيه
زوجي:تروشتي
الشغاله ايوه خلاص
زوجي:شعرك طويل الشغاله: لا
بعدين سحب حجابها ولمس وجهها
وقال لها تحبين الاغاني الاندونيسيه عندي في الكمبيوتر
تعرفين ترقصين يلله يله ارقصي
طبعا انا مااسألها عن ردود افعالها لان وش يتقول لي ذبت والا اشتهيت او اثارني
وشغل لها الكمبيوتر على صور بنات وقال لها هذولي امريكيات وجهك حلو مثلهم
xxxxxxxxx
تقول كان يهددها يقول انا كفيلك اذا ماسمعتي كلامي بذبحك
المصيبه بعد ماخلص قال لها اذا بغيتي بوي فرند مره ثانيه لا تدورين برا انا موجود

تخيلو عوري الحين الشغاله مااقبلها هل اسفرها هو منقرفه منه
احس انه بينحرج اذا عرف اني عرفت ولازم يتأدب خاصه انه عارفني اني ملتزمه مره وماابغى الحرام يصير في بيتي
(الشغاله والسواق)
انا سألتها ليش قلتي لي قالت ان عايلتنا سعيده وماتبي تخرب علينا وانها خايفه انها تحمل بعدين مع انه يقدر يعطيها واقي اوحبوب منع الحمل مدامها استجابت معه مره بتستجيب مره ثانيه
ابغاه يحس بالندم طول عمره يحس ان اليوم هذا اسود يوم في حياته
الله يفرج همها اللي تفرج همي الله يرزقها من خير مافي خزائنه اللي تساعدني

انا بنت ناس ومحترمه وحلوه ومهتمه بنفسي وبنظافتي وزوجي انسان راقي وماله في هالسوالف كيف صار كذا ماادري