اخواتي الغاليات عضوات وزائرات عالم حواء :-
استقدمت انا واختي شغالتين فلبينيتين من مكتب في الفلبين صاحبته امرأة .
الأولى (واسمها زهرا أحمد كوسين ) وتعرف عربي بشكل ممتازوالثانية (واسمها راميلدا ) ما تتكلم عربي مسوية نفسها جديدة وماتتكلم الا انجليزي وكلهم اشتغلوا قبل كذا في دبي .
طبعا اول شي سويته اني وديتها المستشفى عشان اسوي لها الفحوصات والتحاليل الطبية للتأكد من سلامتها وان مافيها امراض معدية وكانت النتيجة بعد اسبوع تقريبا وكنا نبغى نسافر للعمرة بسبب ظروف صعبة مريت فيها في هالفترة ومرتبين وضعنا على اساس اننا نسافر قبل اخذ نتيجة الشغالة وان زوجي راح يقول لنا على نتيجة فحصهاعشان اتاكد انها سليمة.
وذهبنا الى مكة المكرمة لاداء العمرة و نزلنا الى جدة لقضاء بقية اجازتنا فيها وبعد اقامتنا في جدة بمدة اسبوع كلمني زوجي وقال ان المستشفى يبغى يعيد فحوصات الدم لانهم مشتبهين فيها وكنت جالسة مع اخواتي ووالدتي في المغرب واعلمهم ان الشغالة الظاهر فيها شي وطالبين يعيدون فحوصاتها خاصة فحوصات الدم واعتقد ان الشغالة سمعتني لانها تفهم عربي مرة وياليتني ما تكلمت لاني ماتوقعت انها تتصنت وتتسمع الكلام حسبي الله عليهم الثنتين
فجأة في الصباح الساعة 5 هربت شغالتي وشغالة اختي مع سرقة مبلغ مالي كبير من حقيبتي وحقيبة أختي (25 ألف ريال ) واخذوا ملابس لي ولاختي ولاطفالنا هذا غير العبايات والطرح حقتي انا واختي بعد سرقوها وتركوا لنا رسالة في حقيبة والدتي وهي تهديد بالسحر لنا مع اطفالنا
اتمنى من الاخوات بجدة أو مكة انهم ينشروا هذا الاعلان واللي تعلمنا عن مكان الشغالتين او واحدة منهم لها جائزة مالية ( خاصة ان الكثير منا يستأجرون شغالات لاسباب كثيرة منها اللي تأخرت شغالتها او اللي هربت مثل حالتي او .......الخ )
المهم اللهم افرج كرب من نشرت رسالتي هذه وارزقها الجنة ووالديها واغنها وعافها واغفر ذنوبها اللهم من بلغت رسالتي هذه اللهم ادخلها الجنة من أي باب شاءت
وجزاكن الله خيراً.
هذي صورتها معلبكة شوي ( صورناها عشان اذا خلصت الفحوصات سوينا الاقامة على طول !!!!)
161028
وهذي صورتها بس عدلناها ششوي بالفوتوشوب
161031
وهذي رسالتها تهددني فيها بالسحر
161032
جوري الامل @gory_alaml_1
عضوة نشيطة
هذا الموضوع مغلق.
(بنت)
•
يؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤة الله يستر عليكم يا رب
دوريهم لا تهملين موضوعك
وحاولى انت كل يوم تقرين ايات من القران الكريم ترقين فيها نفسك
دوريهم لا تهملين موضوعك
وحاولى انت كل يوم تقرين ايات من القران الكريم ترقين فيها نفسك
الصفحة الأخيرة
161033