اقولك حصنيهم بالأذكار واستودعيهم الله صغيرين ياعمري ويبي لهم رعايه مايصير تخلينهم عند شغاله لها 3 شهر جايه

الله يساعدك وييسر امرك لازم تجيبين ثانيه واطلبيها مربيه واستغني عن شغالتك كانك ماديا ماتقدرين لأن عيالك بحاجه لك او لمربيه سنعه اتركي عنك الوظيفه ماراح تتحاسبين عليها اذا تركتيها لكن بتتحاسبين على عيالك لانهم في ذمتك ومسئوله عنهم

وإلا الشكوى على الله اجازة رعاية مولود واللي يجي منها بركه واعتقد هي الحل الوحيد إذا محتاجه للوظيفه حتى يفرجها الله ويكبرون وشغالتك تكون تعودت وتأقلمت عليهم وحبتهم لأن توها 3 شهور

صدقيني انا متعاطفه معك وحاسه فيك ومقهوره من شغالتك وعلى فعايلها اللي ذكرتيها في موضوعك ولا ألومها لأن النفوس تختلف فيه من تتقبل الاطفال وفيه من ماتطيقهم وكفايه عليها شغل البيت

وين اهل زوجك؟ مايقدرون يخلون عيالهم عندهم؟ والخدامة موجوده تخدمهم وهم بس يراقبونها ويشرفون عليها او خلي البنت بالحضانة لانها كبيره وبعمر روضه خليها تبكي كم يوم وتسكت كل الاطفال كذا وتتعلم شي مفيد ويمكن هي المشكله الكبيرة بالنسبه للخدامه وراح يخف عليها الشغل وخليها بس تهتم بالصغير واشرطيلها وجيبيلها هدايه حنني قلبها والله كريم

غيريها انا مثلك جبت لي شغاله جلست ثلاثه شهور
ما عجبتني فقبلتها بالمكتب وجبت وحده
ماشاء الله تبارك الله
قبليها والله يعوضك احسن منها

الله يعينك استودعيهم الله هو الحافظ
وركبي كميرات بالبيت لوكانت غاليه مهي اغلى من عيالك
واذا تبين نصيحتي دخلي بنتك الروضه والولد الحضانه

لازم تعودينها من الحين لحد العوده للمدارس
بعضهن فيهن بروووود غير شكل بعد مع التعود وتصيرين حازمه شوي معاها تتعود
مثلا اذا شفتيها جالسه قولي لها تابعي الولد الصغير واذا شفتيها تبي تجلس قولي لها وكليه شربيه
لاتخلينها تجلس وتتعود الجلوس خليها تكثر من الحركه الهيها بعيالك تهتم فيهم مدامها تحت نظرك الحين
لان يوم العوده ماتقدرين تشوفينها وتصير هي متعودها لهم .. < انا نفسك والله وزمله لولدي الصغير
بس صرت بطلعاتي بالعطله اخذها معاي للزيارات واقولها انتبهي للصغير لاتعطينه احد وكليه وشربيه لاتجبينه لي
وهي ماغير تهز بالراس المهم اني وريتها العالم كيف
وطبعا حقتي عجازه ماتحب تتحرك صارت اذا ماشافتني تعطي الولد اخوته ولا عيال عمه ولا عيال خالته واذا انتبهت
اثر الولد مشيول رحت لمها وفهمتها وقلت الولد لااحد يشيله واذا رجعت للبيت فهمتها اذا شفته مع احد ثاني غيرها راح تنحبس بالبيت وش ابي فيها زيادة نفر بالسياره
مراح تروح معاي وصارت الحين فراشه اذا قرب لمه اي بزر تطرده تخاف انها تجلس بالبيت والحين ماغير ملاحق فيه ومطاير وراه
تخاف تجلس ولا منول عاادي تحطه عندي عند الحريم وتهج تكمل سواليفها مع الشغالات
لحد والله العظيم قلت لها بالحرف الواحد تراي ماجبتك من اندونسيا عشان توسعين صدرك انا جايبتك عشان ولدي ماعندك استعداد
تلاحقينه وتصيرين مثل ظله اقعدي بالبيت افضل لي والحين ماغير صايره وراه تخاف من الحبسه

اعرف اني كثرت القرقره بس والله هذا تعاملي وتعامل اهلي معهن وماشاء الله تبارك الله تعالي شوفيهن مايتعدن البزر
حتى توكيله تجفى له وتروح بغرفه وتجلس توكله بعيد عن الناس مو قدام العالم تعطيه