شغالتي والفراغ!

السلام عليكم
بداية اخواتي ابيكم تتفهمون موضوعي ولاتتسرعون وتحكمون علي بأني شديده أو قاسيه..
الامر ومافيه انا عندي خدامه وان شاء الله انها ماشيه وماعليها، يعني يوم زينه ويوم لأ زي باقي الخدامات..
المهم انا ماعندي غير طفل واحد وبيتي صغير ،وانا استقدمت الخدامه لان صارت لي ظروف صحيه ولا اقدر على شغل البيت.
خدامتي هذي مالها علاقه بطفلي ابد، الا بالضروه زي مثلا تمسكه عني اذا بغيت اصلي او تحمم وما شابه.
غير كذا مالها علاقه فيه،ولدي دايما معي بكل مكان حتى لو موعد مستشفى اخذه معي..عمري ماتركتها هي وياه ابدا لوحدهم بالبيت مع اني والله ما شفت من بنت الحلال شي
بس انا كذا ما اقدر، ما اتطمن ابد.
المهم المشكله انها اخذت على الكسل لان شغل البيت قليل
صارت تخلص الشغل بسرعه وتروح لغرفتها، ولاحظت عليها بالفتره الاخيره ان شغلها اي كلاااااااام!
اهم شي تخلص وتروح تتمدد، مع العلم انها تنام 10 اللليل وتصحى 9 الصباح.
اذا صحت تنظف البيت وتساعدني بتجهيز الغداء ، ومن الساعه 3 العصر خلاص ماعندها شي.
صرت لما اناديها المغرب ابي اسوي حلا او قهوه، تطلع معصبه وتشتغل بسرعه اي كلام اهم شي تخلص!
واذا سألتها ليش كذا؟ قالت ابي اروح لغرفتي!!
مره كنا بنسوي عشاء، لما جهزنا العشاء قررت نقلي بطاطس اخر شي عشان لايبرد، قالت يوه يامدام انا خلاص نظفت الفرن، قلت محد قال لك نظفيه..انتظري لين نخلص مره ونظفي.
اذا كنا بالمطبخ،اي ملعقه استخدمها
على طول تلقطها تغسلها وترجعها للدولاب حتى لو اكون لسى محتاجتها!
المهم اخواتي لقيت الحل الامثل صراحه اني لازم اشغلها بأي شي عشان لاتاخذ على الكسل..صرت مره اناديها تفك الشبابيك وتغسلها وترجعها ثانيه
ومره خليتها تاخذ المراكي وتغسلها بالمويه والصابون، ومره خليتها تفضي كل دواليب المطبخ وتمسحها وترجع الاغراض وهكذا،واذا شفت شغلها حوسه واي كلام خليتها تعيد عليه.
بصراحه تقهرني ،تخيلوا انها ما تمسح الملاعق من الاستعجال
تخليها برا لين تنشف وبعدين تدخلها!!
ابيكم تفيدوني يا اخواتي وش الاعمال اللي ممكن اكلفها بها عشان اشغلها شوي ولا تاخذ على الكسل، الشغل احسن لها..بس تعبت وانا افكر، مدري وش اخليها تسوي؟؟
تكفون ساعدوني ولا تطنشوني.