شغالتي والنوم

مرحبا يابنات
عندي شغاله أندنوسيه لها تقريبا 5شهور
ماتشبع من النوم يعنى لو اخليها تنام
من الصبح لليل عادي عندها
ماتصدق اروح غرفتي الا وعلى طول تحط راسها
لا تقولوا ماتشبع من النوم انا اخاف الله فيها اخليها تنام
من اول الليل واحسب لها 8 او 9 ساعات واصحيها بعدها
وعشان عندي طفل صغير يسهرني طول الليل اذا راحوا اطفالي للمدرسه
اروح انام بنت الحلال تكنس وترش مويه بالحمامات الله يكرمكم
وتغسل مواعين الفطور وتحط راسها الين مااصحى على الظهر
بيتي صار معفن يعني يااخليها تسوي شغلتها قدامي او انها ماتسويها زين
احيانا اكلفها باشياء تسويها قبل الظهر
لما اصحى ياإنها ماهي مسويتها او انها اي كلام وارجع اخليها تعيد وعلى هالحاله
الغسيل يتكوم او انه ينغسل اي كلام عشان تخلص بسرعه وتنام
الكوي يبدأ الأسبوع ويخلص وهي لسا ماخلصته
اخبر الأندنوسيات ماترتاح بنوم ولا أكل اذا عندها شغله ماسوتها وهذي عااادي
اهم شوي النوم والأكل الإثنين هذول ماتشبع منهم
وديتها للمكتب كذا مره مافي فايده يومين تتعدل وترجع
لا والحين تطورت اذا قلت لها ليش ماسويت كذت تقول اذا انا مافي كويس
وديني للمكتب
ايش الحل معاها
لاتقولوا سفريها بإذن راح اسفرها بس على الصيف عشان المدارس
مااقدر قبل