شغالتي وحبيب القلب والجوال ؟؟؟شوروا علي بنات

السلام عليكم
بنااات شغالتي الاندزنيسيه مزهقتني ..... هي سبق واشتغلت لسنووووات يعني متعوده على البعد عن اهلها .. حظرتها تبي جوال ؟؟ بدايه كانت داايم تبي تكلم وهي تكلم واحد من جماعتهم وتنبسط مررره لما تكلمه وتظل بعدها سرحاانه :D المهم انا اقول لها في الشهر مره تكلم وكلمت امها وخلصت البطاقه الا تقول تبي تكلم مره تبي تشتري بـ 50 ريال عشان تكلم واااجد وهي توها مكلمه في نفس اليوم وهي تقولي بعدين تبي جوال عشان تسوي مسج وهم بعد قلت لها مايكفي تكلمين في الشهر مره او مرتين تكلمين فيهم الي تبين قالت لاااا لاازم جوال يعني بتكلم كثيير حبيب القلب :16: وانا منقهره هي جايه تشتغل والا تحب وطاايحه مسجات وكلام وغرام :16:فقلت لها زوجي رافض وانا كذالك الا قالت ليش انا محتاجه له عشان يمكن اخر الليل اكلم وعاطمن عليهم قلت لها هذا انا اهلي يسافرون عني في الصيفيه ماشوف نفسي كل شوي وابي اكلمهم والا غيري الا متغربين ومتعوديين وانتي متعوده مو توك جديده اذا تبين تحبين روحي هناك جلسي عندهم بعدين زعلت وظلت تبكي طووول اليوم :16:وللحين مبين انها زعلانه وكل شوي وتبكي ؟؟ يعني بناات مايكفي مرتين في الشهر تكلمهم ؟؟ وهي بنت مو متزوجه ولا عندها غير امها على قولتها وهي كانت من قبل تقولي ابي اكلم اخوي وبعدين اتضح ان ماعندها اخو هذا وااحد تعرفه وعندها صورته وحب وغرام على الصوره :16:يعني لو متزوجه وعندها ااولااد براعيها لكن مو متزوجه وعمرها 32 ومتعوده على البعد عنهم ... والحين حظرتها تبي جوووال وانا مو واثقه ابد ولا ابي تكون عندي وحده كل هما في حب وخرابيط انا قلت لها انتي ماجيتي هنا الا وانتي عارفه لشغل .. قالت لي ايه مابي اسافر ابي اشتغل .. وش اسوي معها للعلم لسه ماكملت 3 شهور ؟؟؟؟وقهرتني ببكائها يعني تبيني ارضخ لها ؟؟