شغالتي وزوجها.. من مر بهالموقف..!!

السلام عليكم ورحمة الله وبركاته

أولا اتمنى ان يكون هذا الموضوع في قسمه الصحيح ..لأني بصراحة تغيبت كثير عن المنتدى وشكله تغير علي كثير باقسامه الجديدة.. وان كنت اخطأت المكان فلتقبل اخواتي المشرفات مني الاعتذار..

.
.

موضوعي أخواتي كتبته.. طمعا في معرفة تجارب من سبق لهم ان مروا بهالموقف اللي انا فيه.. وأتمنى ماأكون اول وحدة حطت نفسها بها الموقف..:06:



شغالتي بنت محترمة جدا ومرتاحة معها الفترة اللي فاتت كلها وتحبنا كعائلة وحنا نحبها بعد..


الأشكال .. أنها انخطبت خلال السنة الثانية من شغلها عندنا.. عن طريق شغالة اهلي (( اللي هي قريبتها حرمة كبيرة وانا اصلا جايبة شغالتي عن طريقها )) لواحد من قرايبهم برضو .. يشتغل عندنا بنفس البلد.. بشركة حدائق..


الى هنا الموضوع ممتاز وتمام..


الى ان قربت تسافر .. سالتها ان كان تقدر ترجع تشتغل عندنا ولا لأ .. فطلبت انها تسال خطيبها..(( اللي كان قد سبقها لديرتهم ))


رفض وقال لأ.. لأن انا ودي نروح انا وياك قطر ولا دبي عند عائلة وحدة بحيث هو يصير سواق وهي الشغالة..


قامت مسيكينة قالت لي.. زتقول انها تتمنى ترجع عندنا ولا تروح عند ناس ماتدري وش طينتهم ومعاملتهم لها..!


عاد قلت لزوجي ياليت لو نجيبه سواق ونخليها عندنا.. رفض زوجي لأن مايحبذ يجيب سواق من اللحين يقول تو الناس عليه..


قلت لها.. وكلمته وقالت له ترا ان رحت معك وطحنا بعايلة قشرا برجع سيريلانكا منيب مكملة..:06:



المهم كلمت حقت اهلي وطلبت منها تتوسط بالسالفة..(( لأني ابي شغالتي افضل من ان اجرب وحدة جديدة..))

بالأخر وافق وقال طيب دام انك تبينهم ودام ان فلانة (( شغالة اهلي..)) بترجع تشتغل بعد..!! (( عاد هذيك عجوز مسيكينة ماوراها احد اصلا..))



انا بهاذي الفترة المهمة جدااااااااااا جداااااااااااا ارتكبت اكبر غلطة بهالسالفة كلها.. (( كنت حامل وبالشهور الاخيرة ولهفتي ان شغالتي توافق على الرجعة نستني كل شي ))



الغلطة هي:


انها عقب شهر يمكن من السالفة جتني وهي فرحانة وتقول مدام .. فلان اللي هو خطيبها.. بيرجع يشتغل بنفس شغلته بالشركة اللي كان فيها .. يعني بيرجع هو بعد لنفس ديرتنا..وانا من زود التناحة اللي فيني فرحت لها مرررررررررررة لا واقول لها ماشاء الله اجل قريب منك بيصير..!! (( بالله شفتو ذكائي..:o))



وماطرا على باللي ابداااااااااااا اني اقول لزوجي .. اللي مايدري عن شي.. وعلى باله ان الرجال بيروح لقطر مثل ماطرا قبل..!!



المهم انشغلت بالولادة والنفاس وعقب النفاس على طول ركض وياها اجهز لسفرها وطايرتن بها عشان ترجع وماتغير رايها...


وراحت المرة واعرست...

يوم جت تبي ترجع الا وتطري سالفة انها تبي تشوف رجلها ومدري ايش...وانها عروس وتبغا تشوفه كل جمعة.. ومدري وش تقصد بكلمة تشوفه..؟؟؟؟؟



انا تنحت..! وقلت لها طيب اقول لبابا وارد لك خبر..


زوجي.. ولععععععععععع نار... ويحلف انها ماترد...وهاتك ياتهزيئ فيني.. وشلون تقولين الرجال بيروح قطر وهو بيرجع هنا.. وساكتة وماتعلمين..


ووشلون مايطرا ببالك انهم يبون يتقابلون .ز دام انهم بنفس المدينة..:06:



(((تعبت ابكمل بعد شوي .. ))