شغالتي وضرسها!/ قديم

السلام عليكم
اخواتي حبيت استشيركم في موضوع..
شغالتي اليوم جتني تشتكي من الم في ضرسها وتقول لها كم ليلة ماتنام منه، قلت لها خذي بنادول قالت اخذت ومانفع..
قلت تمضمضي بمويه وملح قالت: تمضمضت بس مافي فايده.
لازم دواء يامدام :09:
قلت انا ما اعرف دواء للاسنان انا مو دكتوره!
اذا تبغين دواء لازم دكتور والدكتور لازم فلوس كثير(ابي افهمها اذا تبي تعالج اسنانها فالعلاج بيكون على حسابها)
ووضحت لها اني انا من اسبوعين كنت اتالم من ضرسي ولا قدرت اعالجه لانه يحتاج شغل كثير والسعر مرتفع(وهالشي صار فعلا)
لان بصراحه وضعنا المادي ما يسمح ابدا اني اعالجها وزي ما انتم عارفين اسعار عيادات الاسنان ناااااااار.
والمستشفيات الحكوميه ماتعالج الاجانب الا برسوم يعني زي الخاص.
واخاف لو ضغطنا على نفسنا هالمره وعالجناها على حسابنا، يعجبها الوضع وتصير كل شوي تتشكى من ضرس ثاني،لين تضبط كل اسنانها على حسابنا وتروح ديرتها على سنقة عشره!
انا والله مدري عنها هي صادقه او لا، ولا اظلمها يمكن تكون فعلا تتالم من ضرسها.
المهم انا عطيتها مره وقلت لها نقعيها وتمضمضي فيها لانها كويسه للاسنان واذا مافي فايده قولي لي.
ومحتاره الان، مدري وش اسوي اذا رجعت تقول لي الالم ماخف؟؟
ارجوكم افيدوني.