السلام عليكم ورحمة الله وبركاتة
بصراحة حزنت ع شغالتي مرة زوجها بيتزوج عليها
وهي في حالة ما يعلم فيها الا الله اروح واجي القاها تبكي والحزن في عيونها
هي ماهي كبيرة
احس بحزنها وحسرتها
تخيلو يابنات غربة تبعد عن عيالها وتفارق اهلها وتعيش مع ناس
غرباء حظها ونصيبها الناس هذولا طيبين والا لا
يخافون الله فيها والا مايرحمونها
والله يابنات دايم اتخيل وشلون لو حنا مكانهم
نترك عيالنا ونترك بلدنا واهلنا واحبابنا ونعيش مع ناس غرباء
غرباء تدرون وش معنا غرباء ماتعرفينهم ولاهم زيكم ولا يفهمونكم
ولا تحسون بأحساسهم حتى اكلهم يختلف
والله صعبة
الله يرحم حالهم لو الحاجة ماتغربو واشتغلوا عند الناس خدم
عشان تدرون اننابنعمة عظيمة
نحمد الله عليها في بيوتنا بين عيالنا واهلنا ان سافرنا رحنا تمشية والا زيارة
يارب لك الحمد كما ينبغى لجلال وجههك وعظيم سلطانك
نصيحة ياأخوات الي عندهم خدم حسسوسها كأنكم اهلها
حسسيها بأنك اختها تحسين فيها
اسألي عن حالها فرحوها بشي لو بسيط
تخيلوا معاي حياتها بس شغل وكرف ليل ونهار
تنام تصحى بس الشغل بوجهها ولا كلمة حلوة ولا شي يفرحها
هذة حياة انسان كلمة انسان تعني الانس
لا تقولون هم قاسيين او هم الي اختارو حياتهم وهم راضيين
لا والله الود ودهم انهم ببيوتهم بين عيالهم وعايشين ع كيفهم مو ع كيف المدام
وكفيلها
لكن ما اقول الاالحمدلله الي الله ما حدنا لغيرنا
وبعطيكم نقاط مختصرة ممكن تفرحون فيها خدمكم
اهديها من فترة لفترة يعني كل شهر او كم اسبوع مو من سنة لسنة
وترى الهدية ما تكلف شي بعطيكم افكار
اهديها
مصحف
سبحة
قميص
كتب دينية بلغتها
كتب ثقافية واكسبي اجرها
حتى لو قصص انبياء والغاز ومنوعة
نعال وانتم بكرامة
غيري شيلتها بعد فترة مو لازم تقعد بشيلتها الين تسافر
ساعة
وممكن سوارة وتعليقة او تلبسها اذا راحت
جيبي لها مرطبات تراها انثى مهما كان
ما تقدرين تسلخين انوثتها منها حتى لا تحس انه راح عمرها
ولا تهنت بشبابها وتحقد عليكم لأنها تكرف عشان حضرتك
تتفرغين لنفسك
قولو الحمدلله لا تقولون وش علينا منهم حياتنا وحنا حرين وجبناها
بفلوسنا مو بلاش تشتغل
ارجع واقول تراها انسانه
خليها تجلس مع العيال ع التلفزيون لو رحتي مشوار خلي عيالك ينادونها
واذاجو عيالكم من المدارس خل يسلمون عليها يقولون السلام عليكم يافلانة
واذا راحو يقولون مع السلامة عشان تحن عليهم وتحس انها عايشة مع اهلها
والله كذا بتكسبينها
خلوها تطلع معاكم تخيلو حنا لا قعدنا بالبيت يومين قلنا حشرة
وشلون هم الله يعينهم
وارجع واقول الحمدلله على نعمة
يا اخوات هم امانة
ادري الكثير منكم تأذى من بعضهم وبتقولون ما يستاهلون الطيبة
واذا صرنا طيبين معاهم بيتمردون
لا وضحي لها بالبداية ومع المعاملة الطيبة بأذن الله تكون معاكم طيبة
اسال الله ان يعطينا خيرهم ويكفينا شرهم ولا يضرونا فهم باستطاعتهم فعل اي شي لضرنا
ولا نظلمهم حتى لا يجي يوم القيامة يقتصون منا او يعاقبنا الله في الدنيا بذنبنا
ولا ندري يمكن تحدنا الدنيا مثل ما حدتهم
نسأل الله السلامة
اللهم نعوذ بك من زوال نعمتك
وتحول عافيتك
وفجائه نقمتك
وجميع سخطك
والحمدلله رب العالمين
* اسطوره انثى * @astorh_anth
محررة فضية
يلزم عليك تسجيل الدخول أولًا لكتابة تعليق.
اميره خطييييره
•
جزاك الله خير
فديت الناس الحنونه.... ياعمري صدقتي في كل كلمه قلتيها... استغرب من الناس اللي يهنون ويضربون ويجوعون الخدم ما يخافون من حوبتهم ومن ظلمهم.شااايفه نماذج ضايق صدري منهم... الله يهديهم.....
الصفحة الأخيرة