ترى العاملات الي كذا ماينفع معهم انك تسكتين لهم وتكونين طيبه بزياده
كذا تزيد وتاخذ راحتها وتصير مزاجيه معك تصحى وقت ماتبي وتنظف بكيفها خليك صارمه معهاا وكل مالاحظتي شيء تكلمي من بدري

شدي شوي بدون ماتضغطيها
حددي اشغالها اليومية اللي لازم تنجزها
امي كانت مرة متساهلة مع شغالتها
لدرجة صارت تصحى الساعة ١ الظهر
طفشتنا
والحمد لله انتهى عقدها وسافرت

المواعين صح لازم كل يوم اذا فيه مايتأخر . بس ليش دورات المياه كل يوم اذا كانت نظيفة مرتين إلى ثلاث مرات في الأسبوع يكفي . يعني مو على كيفها مثلا لاحظتي فيه غبار على الأثاث والسيراميك تنظفه وهي تاكل تبن هي شغالة وانتي ماظلمتيها وهذي مو يوميا . واذا عندك ضيوف جايين خليها تساعدك .

تصرفك راقي وفيه إنسانية وحرصك إنك ما تضغطي ولا تستغلينها واضح وهذا شيء جميل ومقدر
لكن في نفس الوقت البيت له نظامك وإنتِ لك حقك كصاحبة منزل ومشغّلة لها والتوازن هنا ضروري جدًا
لو استمرت الأمور كذا بتصير العلاقة مبنية على المجاملة والتهاون وبتخسري راحتك بالبيت وهي بعد بتفهم الرسالة غلط
مو لأنها سيئة لكن لأن الحدود ما كانت واضحة من البداية



قبل ما تكلميها، اكتبي ورقة فيها:
الأعمال اللي تبغينها منها يوميًا (نظافة، ترتيب، غسيل، تنظيف غرف… إلخ).الوقت اللي تبغينها تبدأ فيه وتنتهي

الاعمال الاسبوعية  أو الشهرية (تنظيف عميق، ترتيب خزانات، مسح شبابيك…


هذا يعطيك تصور واضح قبل ما توجهيها


قولي لها بهدوء

“أنا احترمك وأقدّر شغلك بس في بعض الأشياء لازم تتعدل إنتِ موظفة هنا وأنا محتاجة أشوف البيت نظيف ومرتب أكثر ما أحب أكرر الكلام ولهذا حنبدأ بروتين واضح وثابت وإذا مشينا عليه، الكل يكون مرتاح

واحكي لها الجدول اللي جهزتيه، ووضحي بالتفصيل:
متى تصحى متى تنام وشتسوي صباحًا ظهرًا ومساءً متى تقدر ترتاح

سواء في ورقة على الثلاجة أو دفتر خاص
اكتبي الجدول اليومي والأسبوعي بوضوح.

حتى لو ما تقرأ عربي، فيه جداول بالإنجليزي أو رموز وصور تساعدها تفهم المهام


لا تخلي طيبتك تتفسر على إنها “ضعف”
لازم تكون العلاقة واضحة
فيها احترام، لكن أيضًا ما تشتغل براحتها تشتغل وفق نظام البيت

النظافة من الايمان
هذا السبب الي يخلين مااداخل دورات المياه الا ببيتي او بيت اهلي
الله يعين