السلام عليكم ورحمة الله وبركاته هذي اول مشاركه لي وبصراحه ماحدني اشارك الا مشكلة يواجهونها اهلي عشان كذا ولاني مضطرة قلت مالي الا انتم تساعدوني بآرائكم وتجاربكم..
اهلي عندهم شغاله ملقوفه جدا ومفجوعه وتتدخل بكل شي وتنكت حتى مع اخواني مع انهم مايعطونها وجه يعني المشكلة حبيباتي مو هنا يعني اهلي مستحملينها لانهم مضطرين عليها بس المشكلة بدت من يوم اختى تحلمت حلم وفسره الشيخ على انها معيونه من الشغاله لعده اسباب اول شي حاسدتها على بيتها وفعلا كل ماراحت الشغاله لبيت اختي تساعدها تقعد تمدح ببيتها ثانيا على جسمها دايم تقول جسمك مرة حلو ثالثا على بنتها لان اختي هذي عندها بنت تموت فيها الشغاله وتحبها حب جنوني لدرجة العشق تقريبا يعني شي فوق الوصف لو اوصفلكم اش تسوي بس لاشافت بنتها تسوي حركات وتصارخ صراخ من الفرحه انها شافتها بنت اختي اسم عليها عمرها سنة وشوي وفعلا حبوبه مرة ..
المهم راحت اختي للشيخ يقرا عليها وقال ترى الشغاله من تفسير الحلم ماسحرت احد بس تعرف تسوي سحر والظاهر والله اعلم انها حاقده عليك مرة انتي والوالده وناوية لك نيةشينة قبل ماتسافر للمعلومية يابنات الشغاله باقيلها كم شهر وتسافر وطلبت من امي قبل هالمشكلة انها قبل لاتسافر تبي تنام الليله الاخيرة لها في بيت اختي وتطلع من بيتها عالمطار على طول.. هالشي قلقنا كثير ...
الحين اهلي اكتشفوا عن طريق السواق ان الشغاله عندها جوال ويم اخذوه منها صارت تجيها رسايل من واحد فيها صور وسخة جدا جدا له
الحين يابنات اهلي مو عارفين وش يسوون فيها لان بعد مشكلة الجوال حست انهم بيسفرونها وانا خايفه مرة منها لانها من النوع الحقود والشيخ يقول انتبهو منها لانه حتى لو شعره تخيطها بشي تقدر تسوي فيه سحر
قولولي وش رايكم يودونها المكتب وتقعد هناك لين تسافر وبكذا نشوف اذا بتسوي شي ولا لا ولا يسفرونها ..عموما امي يتنزلها السوق تاخذ كل شي تحتاجه ومابتخليها تاخذ معها شي من اغراضها بس برضه انا خايفه حيل لاتحقد وتسوي باهلي شي .. وعلى فكرة اهلي تغيروا مرة من جتهم هالشغاله بس ماحسينا انه منها.. لارحتلهم بيتهم كنه بيت اشباح الكل بحاله ومافيه اي روابط تجمعهم ولا اجتمعوا هواش ومشاكل واختي المتزوجه اللي اقولكم عنها دايم مشاكل مع زوجها اللي تغير عليها مرة لدرجة انها كم مرة فكرت بالطلاق
ادري ثرثرت وطولت عليكم لكن ابي النصيحه من اللي مجربين او عندهم خبرة بالشغالات وبلاويهم الله لايحوجنا لهم
ام احلى ولد بالكون @am_ahl_old_balkon
عضوة جديدة
يلزم عليك تسجيل الدخول أولًا لكتابة تعليق.
غلآ الدنيآ
•
الله يكفيكم شرها ..نصيحة مني خلي امك تشتريلها كل شي جديد وشنطة سفر تحط كل الاغراض فيها وتحجزون لها اقرب رحلة مو لازم تنتهي مدتها وقبل لاتسافر خلي امك ترتب الشنطة الجديده ومن غير ماتشوفها وتناديها فجاة وتدخلها الحمام وتقولها تنزل كل ملابسها تحطها بكيس وتلبس اللبس الجديد وقبل تطلع من الحمام في حركة بس تخويف لهم خلي امك تقص خصلة من شعرها وتحطه بالكيس مع الملابس وتقولها اذا صار شي في بيتي ولا لعيالي وبناتي اخليكي تمشين مجنونة في الشوارع ساعتها بتتجنن من الخوف وماراح تقدر تسوي شي ومن الحمام على المطار لاتدخل غرفتها وبعد ماتروح ارموا الكيس بالزبالة خلاص انتهت المسرحية هههه,, ويارب اكفينا شرهم
الله يكفيكم شرها
انتبهوا منها اذا جت بتسافر اعطوها شنطة جديدة وملابس جديدة ولا تخلوها تأخذ شئ من ملابسها واغراضها القديمة حتى الملابس الي عليها خلها تفصخها وتلبس جديد وخصوصا الملابس الداخلية وفتشوها زين ولا تدري بسفرها الا وهي رايحة ع المطار
والله يرد كيدها في نحرها
انتبهوا منها اذا جت بتسافر اعطوها شنطة جديدة وملابس جديدة ولا تخلوها تأخذ شئ من ملابسها واغراضها القديمة حتى الملابس الي عليها خلها تفصخها وتلبس جديد وخصوصا الملابس الداخلية وفتشوها زين ولا تدري بسفرها الا وهي رايحة ع المطار
والله يرد كيدها في نحرها
عذبه انا
•
روحوا السوق واشتروا شنطه كبيره و عبوها من الى وهدايا وكل شي
يوم السفر لاتدري عنه تعالوا لها فجأه وقولوا بتسافرين بنفس اليوم وعطوها ملابس جديده تلبسها
جيبوا وحده تفتشها تفتيش دقيق ..طبعا كل هذا ولا تدري انكم مجهزين لها شنطه وناوين على اللي معها
واذا فتشتهاااا وجت تطلع عطوها الشنطه الجديده وخلوا اغراضها ماتاخذ منها ولا ورقه
وعطوها مبلغ بسيط
واقلعوهااا
واهم شي قبل تقلعونها خذوا منها اثر لاختتس..بما ان الشيخ قال انها صاكتها بعين فتاخذ اثرها
يوم السفر لاتدري عنه تعالوا لها فجأه وقولوا بتسافرين بنفس اليوم وعطوها ملابس جديده تلبسها
جيبوا وحده تفتشها تفتيش دقيق ..طبعا كل هذا ولا تدري انكم مجهزين لها شنطه وناوين على اللي معها
واذا فتشتهاااا وجت تطلع عطوها الشنطه الجديده وخلوا اغراضها ماتاخذ منها ولا ورقه
وعطوها مبلغ بسيط
واقلعوهااا
واهم شي قبل تقلعونها خذوا منها اثر لاختتس..بما ان الشيخ قال انها صاكتها بعين فتاخذ اثرها
فيه نساء متخصصات في تفتيش الشغالات تفتيش ذاتي ودقيق جيبوها وخلوها تفتشها وتاخذ خصله من شعرها وسفروها وش تنتظرون لين تهرب ومعها شي من اثركم
الصفحة الأخيرة