شغاله ايجار لشهر رمضان وتطبخ ب3000

السلام عليكم ورحمة الله وبركاته
صباح الخير اخواتي ....

حبيت اتناقش اليوم معاكم بموضوع الشغالات اللي بالايجار وكيف اسعارهم مررررررررره نار ...
اتصلت على وحده قبل فتره اسألها عن شغاله بالشهر قالت لي تطبخ ب3000 وما تطبخ 2500:o

قلت الله يصلحك هلحين بناتنا يشتغلون ب3000 تجين انتي تشغلين شغاله 3000 قالت هذي الاسعار ولا تضيعين وقتي ووقتك

بصراحه انا ما جبت الشغاله. لانه هذي سرقه ولو انا برضى على انه احد يسرقني معناه اني غبيه ...

قبل كل شي انا سمعت انه هذا متاجره بالبشر يعني زي تجاره الرقيق وحرام ...

واليوم اقرأ مقال في جريده سبق انه سيده لقت على باب بيتها ورقه باللغه الاندونيسيه والانجليزيه تطلب من الشغاله انها تهرب وتتصل على هالجوال اذا تبي راتب اعلى ...


طبعا انا اعرف انه عام حواء مليان ماشالله من الحريم السنعات ..
عشان كذا لازم نتكاتف ونمنع استمرار الاستغلال هذا ...لانه التاجره تستغلنا وتستغل الخادمه نفسها

لانه المنطق يقول لما يقل الطلب يقل السعر ....عشان كذا لازم نوقف طلب هذول الشغالات اللي غالين مرررره

ونجي على نفسنا شوي ونخلص امورنا بنفسنا ...
يعني والله اللي بدفعه للشغاله بشهر واحد اروح اشتري فيه لي شي حلو او اشتري لعيالي او اشتري هديه لاحد عزيز .والا اشتري شي للبيت ...

يعني فكرررررري قبل ما تتصلين على التاجره الحراميه ....

اكيد فيه احد من التاجرات بتمر بتقرأ موضوعي ....وتفكر اني ادعو لقطع رزقها وانا ربي يشهد مو قصدي قطع الرزق ...قصدي من الموضوع قطع الاستغلااااااااااال وسرقه اموال الناس بالباطل....والمتاجره بالبشر.:angry2:
اضافه::::::

ترا لازم نبلغ عنهم ....وصدقوني بتنسجن والشغالات اللي معها بيترحلووووون وتصير في القائمه السوده اللي ما تقدر تقدم على عماله ابدااااااااااااااااااا



تحياتي لكل رد مناسب لموضوعي ...

:26: