شغاله جديده ارائكم

ياساتر ولارد ولاوحده ماعندها خبره ولاوحده ماعندها شغاله

يفضل يكون لها غرفه بروحها عشان ترتاح 

ويكون الكوي في غرفتها طاولة الكوي 

ما انصح تنام في الصاله ولا مع العيال اذا عندج غرفه فاضيه عطيها اياه

ونصيحه ... عامليها بما يرضي الله ورسوله انتي مسوله منها دامها تحت كفالتج

واحنا مشاء الله بيتنا ست خدم مرتاحين ومريحينا ومعاملتنا معهم وايد محترمه هذولا بشر 

استغرب من اللي يعاملونهم معامله قاسيه او صارمه وفي الاخير يلومونها لو طقت اليهال ولا سحرت معزبتها

عاملوهم بما امرنا ربنا 

انا من وانا صغيره متعوده اني اعامل الخدامه معامله زينه حتا كنت اطلب لها معي من المطعم واشتريلها معاي حلويات كانت امي معلمتنا هالطبع الحلو

والله انهم يحبونا وقعدو عندنا سنين حتا اذا ماكلت فطور ورحت المدرسه قعدت تصيح واذا مرضت امي تلقينها معها كانها اخت

وانا الحين تزوجت واعامل خداماتي نفس معاملة امي

ومشاء الله مريحتهم ومريحيني

فا نصيحه ممكن يجون بنات يعطونج نصايح غلط ترا بتستاثمين لو طبقتيها

انا اقولج تجربتنا انا واهلي من سنيييييييييييين

ارضي الله بمعاملتج وبتشوفين اللي يرضيج باذن الله

الافضل غرفة تكون خاصة لها لحالها بحمامها

ولو تقدرين تبنين لها غرفة ماقبل السطح بالدور الثالث مع حمام يكون افضل

السلام عليكم

الله يعطيك العافيه صبايا

انا اقول اخليها بعرفه الحريم وزوجي يقول نخليها في غرفه البنات بما انهم صغار
هلا شيرازيه لا الحمد للله ان شاء الله اعاملها كويس والله يعطيني خيرها



همه عندي غرفه شغاله بس انها بره البيت وصعبه اخليها بره حرام

ونشوف اراء باقي الصبايا

صعبه مع البنات الصراحة لاهي تأخذ راحتها ولا انتي ترتاحين ورأيي أنكم تلحقون بالمطبخ يعني بالممر الخلفي حمام وغرفه لها وايضاً جنبها غرفة غسيل  متصلة وارتاحي وقت يجي زوجك تكون بقسمها تغسل تكوي وترتاح بس لا تخلين عليها مفتاح نصيحه يكفي انك تطرقين الباب عليها وقت شغلها  ان بغيتي شي بس 
وسوي لها جدول بلغتها وعلقيه علي الثلاجة العميق باليوم ساعتين مثلا الصباح من 9الي11حتي ما تنضغط ولا انتي تكوني تاركه الحبل علي الغارب كفي الله الشر بعدين ما تقدرين تعدلينها تعودت بس تكنس تمسح وتلمع الأواني وبس
وان راحت انكسر ظهرك بعد شغلها المتراكم داخل الدروج والأغراض المتراكمة تتعبني في فرزها 
وفي أوقات راحتك مع زوجك. خليها تدخل في غرفتها مو قبالك رايحه جايه كنها وحده من البنات المحارم وعلميها هاشي من البدايه هيبيها زوجك وعيالك الذكور وا مؤقت تجلس غرفة الحريم حتي تنتهي 
وماهي حكايه الغرفة كلها شينكوا ومكيف وتصريف مويه  سامحيني اذا كنت قسيت بس والله مقهوره من واقع بعض الأسر الزوجة تغار لو زوجها  يتزوج او يسافر لعمل ولا دراسه او علاج وهي مسلمه الخدامه لبس زوجها وإيصاله له وأكله وتقديمه له ولو بغي حاجه ينادي علي الشغالة والحرمه يا منشغله يا متشاغله  ولا طالعه معليش وش خانت الزوجة  ولا شكل امام الناس  طبعا ما أقصد احد شخصيا لأكن اللي بيقرأ كلامي ويكون ينطبق عليه هالشئ  تنتبه الله يرحم والديها لاتضيع أسرتها وتخليهم أيضاً يعتمدون علي أنفسهم برفع الأواني والملابس المتسخه والقمامة وانتوا بكرامه واللي يحسوه من لعب والكتب يرتبوه منها يتعودون الاستقلال بأنفسهم والثقه بأنهم أشخاص مش اتكاليين تخيلي مره كنت في زياره ولمحت لبنتي تنضف اللي بعدها من الشوكولاتة وقال ولدهم عندنا خدامتين خليها ترمي اللي تبغي والله صدمه  وأدعي لي يفرج الله همي