شغاله ولا عروس ؟؟

مسااااااااااااااااااااااااء الخير على الجميع ... بما أني عواطليه وسهرانه لوحدي قلت خلني أنزل موضوع يتناقشون فيه بنوتات حواء :27: ,, اليوم قالت لي امي سالفه مضحكه مبكيه ,, اللي هي إن أحد اقاربنا راح لمكتب الإستقدام وطلب شغاله قالوا له الاندنوسيه بثلاثين ألف والسيلانيه بسبعه وعشرين والاثيوبيه بسبعه عشر ألف ؟؟؟ ضحكت وقلت لامي هويبيها شغاله لسنتين ولا بيتزوجها ؟؟؟ وش هالمبالغه ,, دائما يقولون غلاء المهور وإذا بغى يطلق طلع ريحتها علشان ترجع له المهر ,, بالرغم من أنها تطبخ وتنفخ وتغسل وتكوي وتربي عياله ,, وعلى الشغالات يكبون الفلوس كب يدفعون ثلاثين علشان تجي وكل شهر ثمانميه ومأكل ومشرب ومسكن وكهرباء ورفاهيه وجوال ,, ,, سؤالي ,, ماهوسبب ارتفاع استقدام الشغالات ؟؟ وهل فيه أمل تجينا شغاله إذا سافرت اللي عندنا بعد شهر ولا اشمر عن اكمامي من اللحين ؟؟ وهل بعد ارتفاع اسعار الشغالات راح يقدر المجتمع هالشيء ويعرفون إن الدنيا غلت ويزيدون حبتين في المهر ؟