شغالي بتروح وانا ابكي على فرقاها

السلام العليكم
صدق اللي قال مرح تحس في قيمه الشخص الا وقت ماتفقده
بنات انا تعبانه وجالسه ابكي تدرون على ايش على شغالتى
راح اقول وش السالفه انا عندي شغاله اثيوبيا عمرها 25
جت ماتعرف شي علمتها على كل شي والله يبنات مكانت تعرف تمسح الارضيه وكنت اعصب واقول لزوجي رجعها وهو يقول اصبري صبرت وتحملت وعلمت شهر ونص اول ماجت انا قلت شغلها راح يكون البيت بس وانا علي العيال والطبخ
تعلمت النظافه بعد تعب والنها ماتعرف عربي والله وصارت تحب عيالي تلعب معهم انا جدا عصبيه وقت مااجي ابي اضرب ولدي تدافع انه تشيله منه يابنات كلمه حنونه حطو تحتها مية خطو تهتم فيهم من غير مااقول حنونه كثير اكلها مو تبذير والله يابنات اقولها ليش متسوين لك اكل تقول لا انا ابي كذا تتوقعون وش تاكل

صامولي وببسي لو خربتها تاكل بيض مع الخيز الصبونه الفيري عندها توفير غريب والله الفيري له شهر ونص
او ل ماجت كانت تضحك مع عيالي وبصوت مرتفع وجيت شكيت عندكم منها وانتو نصحتوني وكلمتها والله يابنات صارت ماتمشي حتى من عند جوزي اول مايجي زوجي تقوم بسرعه تقولون مقرصه وتدخل اي عرفه حتى زوجي يدخل انا استغربت بس قلت احسن
الحين وين المشكله
المشكله انا شغالتي تبي تسافر وانا ابكي على فرقها صحيت مثل العاده استغربت انها مانزلت طلعت غرفتها لقيتها رابطه على راسها قلت لها وش في قالت راسي قلت خلاص اشربي بندول قلت لها ليش مانظفتي هزت برسها ماتبي
انا عصبت وطلع جنوني انا عصبيه موت قلت لها ماتبين خلاص قومي البسي عبايتك خلاص ابي اسفرك انا قصدي اهددها لا اكثر قامت لبست وصحيت زوجي وقلت له ودها المكتب وهي جالسه تبكي قلت لها ليش ماتشتغلي قالت انتي مايحب شغل انا يبنات انا اعرف نفسي اني مافيني صبر شلتها المكتب قلت راح يهددها وراح ترجع المهم انا اكلم زوجي في السياره واقوله ماعد ابيها ابي اهددها تخيلو هي وش جالسه تسوي تبكي وضامه اولادي وولدي جالس يبوس فيها ويقول ماما لا تسافر في اسياره ولدي ابو 5 سنوات حط راسه عليها وسادح وانا اقوله قم من عندها هو يقوم وشوي ويرجع انا اعرف ولدي انه متعلق فيها والله انا من النوع اللي ماترمي عيالها على الشغاله بس هى اللي علقتهم فيها
دخل زوجي المكتب وقلهم ماابيها قلو وش فيها سالوها وش فيك قالت ماما مايعجبها شغلي
زوجي قال بدلو غيرها انا ذي مابيها قالو خلاص روح سوى عنها تنازل في مكتب ثاني كلمها وحد اثيوبي قلها النتي تبغين سفر قالت لا قلها خلاص اطلبي تشتغلين في بيت ثاني حسبي الله عليه انا بيهم يادبوها بس
بعد ماعبى اذونها الاثيوبي جت وهي ماعد تبيني والحين راح اسوي عنها تنازول وراح يجب غيرها
بنات لا تعصبون علي انصحوني بشويش وتتوقعون راح احصل مثل طيبتها
اليوم كله جالسه ابكي وزوجي يهدي فيني ويقول راح تجيك احسن منها ان شاء الله
بس انا مقهور بعد ماتعبت شهر ونص اني اعلمها والله جات حتى البيض ماتعرف تكسره ماتدري كيف تنفتح وثلاجه ماتعرف تفتحها والله على مااقوله شهيد وش قلبها وش صار فيها مدري
تتوقعون احصل وحده مثلها تكون حنونه وتحب الاطفال بنات خففو علي شوي



لا يبنات اول شي قالت تعبانه قلت لها اشربي بندول وبعدها قالت ماابي اشتغل واللي قهرني انها ماذكرت تعبها عند زوجي او المكتب بنات يعلم ربي اني مو جافه معها بس في اوقات اشد عليها في شغلها