شغلة بسيطة

بسم الله الرحمن الرحيم


أوف أهلي وبالذات أمي أي شي أسوي لهم ما يرضون ولا يبان الرضى في عيونهم


تعبت تعبت رغم اني أكثر وحدة أشتغل بالبيت ولا أسمع حتى دعوة حلوة إلا في النادر بينما وحدة من خواتي ما تشتغل كثير بس دايم امي تدعي لها عالعموم مو مشكلة يمكن ربي مسخر امي لها لكن حاجة تحز في الخاطر رغم تعبك ومساعدتك لهم ما تشوفين الرضى


تكلمت مع أمي كثير بالموضوع وفعلا قالت أنت أكثر وحدة تشتغلين طيب يمه ليش ما يساعدون قالت أنت أسهل منهم ما جاوبتني جواب واضح أيام أرفع صوتي عليها من القهر بس بعدين أندم تكلمت كثييير مع أمي ولا فيه تغيير


تدرون في الأخير سويت حاجة بسييييطة وارتحت راحة ما بعدها راحة رغم أن وضعي مع أهلي ما تغير تدرون وشي


( أخدمهم بأي صغيرة وكبيرة لوجه الله تعالى ) رغم اني أنضغط مرات بس لأن ربي ما بيضيع تعبي تتجدد النية والنشاط عندي
خلونا نخلي كل شي نقوم فيه لوجه الرحمن خالص وشوفوا السعادة والرضا
رب أسألك التوفيق والإخلاص