محتاجه قلب :

اغلب البنات المتزوجات معاناتهم من النت والمحادثه .. حتى حماة اختى حذرتها وقالت والله انصحج ماتدخلين كومبيوتر فى بيتج ........ بصراحه انا ضحكت قلت اشدعوه بينفع اصلا الشات فى كل مكان اذا مالقاه الزوج بالبيت بيلقاه بالديوانية .. بالكوفى .. بالعمل .. لكن اللى الله هاديه نعمه هالايام .. انا صديقتى توها عروس تقول زوجها عنده كومبيوتر ويقعد بروحه بغرفة المكتب ويقول لها اطلعى بقعد بروحى واهى تدرى انه يكلم بنات بالشات .. ويقفل على نفسه استغفر الله .. هذى العروس وهى مشالله تهبل وشاطره وتلبس وتكشخ لكن حق منو مالت عليهم مايستاهلون يحبون الحرام ويركضون وراه لكن الحلال فى بيوتهم مايلتفتون له .. طبعا مو كلهم لكن نتكلم عن هالفئه من الرجال .. الطريقه مثل ماقالت دندوشه انها تجيب له قهوه او حب وتقعد عنده .. ولا اقول لج هو ليش يتكلم .. وعنده مره بالبيت ليه هى ما تصير شاطره وتملا عليه الوقت بسوالف ممتعه وحلوه وخفيفة ظل .. يعنى تحاول تعوض .. وتجذبه لها .. صديقة اختى زوجها يتكلم مع بنات قدامها .. بالشات .. قالت له من حرتها طبعا .. > فلان تخيل لو انا تكلمت نفسك بالشات وسويت نفس اللى تسويه .. قال لها والله كف على وجهك وتروحين بيت اهلك .. تقول انطميت وسكتت وبلعت العافيه والله شى يقهر ..

اغلب البنات المتزوجات معاناتهم من النت والمحادثه .. حتى حماة اختى حذرتها وقالت والله انصحج...

** بنت الجبيل ** :

حبيبتي حنا في مجتمع مختلف تماما عن اي مجتمع في العالم ( بعيدا عن نظرة الدين طبعاً ) مجتمعنا مملكه يحكمها الرجل فقط .. حنا النساء مجرد ملبيات لرغبات الرجل << هذي حقيقة الرجاء عدم الزعل اهم شي حبيبتي تكون هناك ثقة بينك وبين زوجك لان هالزمن قليل ماتلاقين رجل ما يدخل التشات .. ولازم تفهمين ان اي علاقة يسويها الرجل مع اي امرأة اخرى غير زوجته سواء في التشات او غيره يعني هروب من واقع عايش هو فيه ومو راضي عنه او لاحساسه ان هالزوجة ماتأدي واجباتها على اكمل وجه ادري بتقولون ( لا والله احياناً تكون قايمة بكل واجباتها ) لكن اظل ااكد انها لازم تنتبه لحياتها مع زوجها زين وماتهمل ادق التفاصيل وتشوف نفسها قبل اي شي وقبل ماترجع اي غلط عليه لان اغلب اخطاء الازواج سببها زوجاتهم واهم شي طبعاً لازم تخلي زوجها يثق فيها ويصارحها وتصير علاقتهم اكثر من مجرد زوجين لانه ان فقد هذا الشي عندك راح يلجأ لغيرك اعرف بعض الحريم الوحدة لو جت وشافت زوجها قاعد على التشات مع بنت تقوم الدنيا وتقعدها وهذا اكبر غلط لانها بكذا راح تخسر شوي شوي لان الرجال العن مافيهم العناد واذا عاند انتي الخسرانه لازم تكلمينه بهدوء وتفهمينه انك مو مقصرة معاه في شي عشان يتركك ويسولف مع غيرك والمهم يكون بدون اي عصبية ونرفزة .. والاهم انك تختارين وقت يكون فيه هادي ورايق وبوسط السواليف بينك وبينه افتحي معاه الموضوع بطريقة ذكية وحكاية انك تلصقين له هذي ماتفيدك ابد .. احياناً تكونين جنبه اربع وعشرين ساعة ومايحس فيك واحياناً تكونين بعيدة عنه وعقله وقلبه معاك يعني المسألة يبغالها ذكاء من المرأة اللي وصف رب العالمين مكرها بالعظيم صدقيني اختي لو تهيئين لزوجك الجو اللي يحبه وتضغطين على نفسك شوي راح تكونين انتي الكسبانه ولا احد يفسرها بضعف الشخصية لان فيه فرق كونك تتعاملين مع الرجل بذكاء في هالامور مو معناته انك ضعيفة قدامه ومغلوبة على امرك على فكرة انا اعرف وحدة عانت الامرين من هالموضوع في البداية كانت مشاكلها مع زوجها ماتنتهي ومع العناد والمشاكل تطورت علاقاته من التشات للتليفون .. بعد كذا لاحظت انها لو تتصرف بحكمة بيكون افضل لها انا مااقول انها مازعلت وسوت سالفة لانه يكلم بنات في التليفون لكنها احتوت الموضوع وماخلته يتسرب لاحد وحاولت تهدي اعصابها وتضغط على نفسها شوي وتعاملت مع زوجها بالطيب بعد ما اعتذرلها وقبلت اعتذاره وصارت توضحله ان له خصوصيات والله يابنات انها كانت اذا جت وهو جالس على التشات تطلع وهي تبتسم وضاغطة على اعصابها وبعدين اعترفلها زوجها انه صار اذا كلم بنت في التشات يحتقر نفسه ويقارن بين نفسه وبين كرم زوجته وبعد كذا صار مايدخل التشات الا فيما ندر واذا دخل يسولف سواليف عادية ومايتخلى عن اي جلسة مع زوجته وهالحين حياتها ماشاءالله باحسن حال واللي لازم نعرفه هو ان التشات مجرد طفرة زمنية وبتروح مع الوقت .. يعني بالعربي شي جديد وغريب على الشباب وودهم يجربونه :) وراح يملون منه عاجلاً او آجلاً آسفة على الاطالة بس زي ماتكرمتي وقلتي ان الموضوع فعلا صار مهم وحساس عند اغلب المتزوجات وسلااامتك

حبيبتي حنا في مجتمع مختلف تماما عن اي مجتمع في العالم ( بعيدا عن نظرة الدين طبعاً ) مجتمعنا...