عواطف تركي :

الله يوفقك ويوسع رزقك ويغنيك بحلاله استغرب كمية اللوم في كلامك للناس اللي تقفل الاتصال بوجهك مع احترامي لك هذا رد فعل طبيعي .. ممكن لانك تبحثين رزقك ومثل مايقولون عبد مأمور لكن برضاك محد اجبرك لازم تتحملين يعني بالله عليك شخص غريب يتصل وبكل سهوله يحاول يقنعك بعرض انتي لستي بحاجه له وغير مهتمه فيه من الاساس طبيعي اقفل بوجهه واذا كرر الاتصال ممكن اتنرفز وارد بقسوه مو ذنبي ان هذي وظيفتك ولا ذنبي احد يتطفل علي ويكلمني غصب ، تذكري انك انتي اللي اتصلتي وازعجتيهم مو هم اللي اتصلوا عليك وازعجوك ! انا سبق جاتني اتصالات من نساء ورجال وفيهم اصرار عجيب اني غصب اسمع عرضهم وانا اقطع كلامهم اقول انا غير مهتمه بالعرض ولا عندي رغبه لكنهم غصب يحاولون يقولون عرضهم ويقنعوني فا اضطر اقفل بوجههم اذا نشبو لي . وللاسف هذي الطريقه في التسويق غير مجديه وتعتبر مصدر ازعاج للناس ويحاولون يتصيدون فيها العملاء اللي يتخرفنون مع صوت البنت عشان كذا تلقينهم يخصصون لهذي الشغله بنات ويبحثون عن بنت شاطره وتاخذ وتعطي واسلوبها مقنع عشان تكون الطعم اللي يصطادون فيه .. وللاسف ان البنت اللي تشتغل في هذي الشغله تتعرض للاساءه اللفظيه والتحرش والطقطقه وممكن تتسجل مكالمتها وتنتشر باليوتيوب والناس تسب وتلعن فيها واليوتيوب مليان مايحتاج اقول لك قصص عنهم ادخلي واسمعي .

الله يوفقك ويوسع رزقك ويغنيك بحلاله استغرب كمية اللوم في كلامك للناس اللي تقفل الاتصال بوجهك...