السلام عليكم ورحمة الله وبركاته
ما شالله تبارك الله عالم حواء فعلا كل قسم يحوي ابداع خاص فيه
وحقيقه شجعتوني اطرح موضوعي
ولدي الاكبر في الصف الثاني للابتدائي
وطلبت منه معلمة اللغه العربية نشاط عشان ترصد الدرجات وللاسف انها فاجأتني بوقت محدد وضيق
قلت ما بصدع راسي وبروح للمكتبه واطلب منهم مجسم وينتهي الموضوع
ولما رحت المكتبه قالوا ما راح يقدرون يخلصون المجسم بالوقت اللي انا ابغيه
فشمرت عن سواعدي وقلت قولي بسم الله وحاولي انتي تسوين المجسم
وتوكلت على الله
وهذي كانت النتيجة
للاسف ما صورت الخطوات لان فعلا ما كان عندي وقت اصور كل خطوه بسبب الوقت الضيق
بس اللي استخدمت في الموضوع
اعواد الشواء الخشبية + لوحة بوه + ولوحة فلين +مسدس شمعي+موس+مقص
صورة الشمس والقمر والسحب والنجوم .. طلعتهم من الانترنت وطبعتهم على اوراق A4 من النوع المقوى وقصيتهم
اول خطوه صورة الشمس والقمر بعد ما طبعتهم من الجهاز قصيتهم بالمقص ولصقتهم على الفلين وقصيتهم باستخدام الموس فطلعت لي اشكالهم .. ولزقتهم بالمسدس الشمعي على لوحة البوه وحطيتهم على جنب
ثاني خطوه بعد ما طبعت صور النجوم والسحب اللي فيها الحروف قصيتهم بالمقص واخذت اعواد الشواء ولزقتهم بالمسدس الشمعي خلف الصورة وبديت اغرسهم بالفلين
طبعت اسم ولدي .. واللام القمريه واللام الشمسيه ولزقتهم باللوحة
وخلاص .. حسيت ان اللوحه كان يبغيلها اطار بس للاسف ما كان عندي وقت اتفنن فيها اكثر
ان شاء الله يعجبكم شغلي
واذا في اقترحات لا تحرموني منها .. لان السنه الجايه راح يطلبون نفس الشي من اخوه وما اقدر اعيد الفكره نفسها وخاصه انهم بنفس المدرسه
لكم مني كل الحب والتقدير
مشاركة راااائعة جدا وشغل حلو ومرتب وانيق ..
تسلمي ياقمر وربي يخليك نهيان واخوانه ..