طبعا انا من رواد هالقسم لكن مو بكثره ويعجبني كتير..بس ماقد فكرت انزل اشغالي اليدويه اللي اعملها
وبكرت اليوم انزلكم شي سويتو لبنت أختي وكانت محتاجه لعلبة تحفظ فيها ادوات التطريز من خيوط وابر واقمشه للمدرسه طبعا...وممكن تستفيدو منها بتخزين اغراض تانيه إكسسوارات..العاب الاطفال الصغيره...وممكن كمان تحطو فيها رضاعات ومصاصات الاطفال...
ولمن جابت اغراضها حسنا ونحنا ندور على علبه حلوه عشان نحطلها فيها الاغراض
وبالنهايه قررت اعملها بعلبة الزبادي :35:
طبعا لأني كنت ببيت اختي فماكان عندي لا تجاليت ولا اي شي اقدر اعملبو
كان عندها باقي من صبغ الجدران وقمت وبويت العلبه كلها باللون الموف فاتح
ولمن نشف سويت خطوط باللون الموف الغامق وكمان بالابيض
وحسيتها مو مرا حلوه وأضفت عليها لمساات تانيه..نقطت الجزء الابيض بعود تنضيف الادن باللون الموف ولصقت بغراء المسدس قلوب كانت موجوده عندي من شغل تاني عملتو من قبل وكمان شوية إكليل لماعي
ونصيحه مني اللي تبغا تعملها لاتعملها بصبغ الجدران لأني تعبت وانا الون وخايفه اللون يروح
وتستخدم الوان خاصه بالبلاستيك
يارب تكون الفكره اعجبتكم
دعواتكم لأبوي الله يفتحلو ابواب الرزق ويعطيه الصحه وطولة العمر