بنات انا مثلكم...بس نظمت حياتي
1/غساله صحوون..وغساله اتوماتيك..ومنشف حراري
2/المطبخ...اطلع فقط 3 او 4 اكواب شرب الماء عند البراده..وبس مافيه غيرهم اكواب..غسلو اشربو.كذلك الملاعق..والسكاكين...كل شي 3او4 فقط والباقي مخبيته فووق
3/مخصصه دولاب بالمطبخ للاواني اللي استخدمها كل يوم ...وباقي الدولاب امسحه من شهر لشهر ونظيف الحمدالله
4/كل بزر ينظف مكانه ويرتب فراشه..ويرمي ملابسه الوسخه ف سلة الغسيل بنفسه..واللي ماينفذ..امصع اذووونه...
5/غرفه الضيوف سواء رجال او نساء...تنظف تنظييف كامل..وتبخر...وتقفل..وماتفتح الا للضيوف
6/حمام العائله..لازم تكونين مجهزه خلطه بعلبه ضغاط مثل علبه الفلاش..وحطي صابون ومطهر داك..ورشي وادعكي ع السريع...واشطفي بالماء كل يوم صبح مساء..والتنظيف العمييق كل اسبوع
الخداديات والشراشف الاسره غيريها كل اسبوعين.
تمسيح الجدران والغبره كل شهر

بكل مكان حطي فواحه ..وخليها جاهزه...تشغلينها عند الضروره

معلومة مهمه...كيس الفلتر تبع المكنسه..غسليه اسبوعيا..واخر غسله بكمفورت..وشوفي الرائحه الحلوه عند الكنس

غسيل الملابس يوميا..حتى ماتتراكم عليك نهايه الاسبوع. .وتتعبك
قبل النوم..تنظيف لغرفه المعيشه.وكنسها.وتمسيح خفيف للمطبخ..والاواني بغساله الصحون...وتصفينها الصباح
حطي كلوركس ببخاخ ..ورشي ع الاواني اذا شفتيها مصديه..او مغبره..خصوصا كاسات الشاي..وترامس القهوه..5 دقايق..واشطفيها بالماء ..وترجع تلمع..

غرفة الاطفال وغرفه المعيشه الافضل تفرشينها فينيل..عشان تتنظف بسهوله..ومافيها خطوره ع الاطفال..اذا وقعو عليها
وهذا برنامجي..كثييير مريحني

👍👍👍اخت نجد ماشاء الله اعجبني طرحك
انا انصح اختي الي كتبت الموضوع😁تسيت اسمها ومافيني حيل ارجع الزبده
التسبيح قبل النوم
ترتيب اول بإول عشان لا تتعبي
شغلي قران بداية شغلك او محاضره او اناشيد
العبي مع بنتك كثير
تفرغي لها باليوم نص ساعه لعب وعلميها الرسم والتلوين ولوني معها في البداية حترتاحي اكثر اذا حبت الرسم
انا اذا كسلت فتحت قسم التنظيف او اكتبي باليوتيوب تنظيف المطبخ مثلاً يجيكي حماس مدري انا كذة😁اتحمس
حاولي تستغفري كثير تصلي الفروض بوقتها
واهو احنا كلنا كذه اوقات نكون همه واوقات نكسل حال الدنيا
الله يعينا ويعينك

الله يسعدكمم و ويوفقكم حبيباتي على الردود اللي تريح الصدر الله يشرح صدوركم ويفرج همومكم اللهم آاااميييين حبيبتي الحرف الساكن تسلمممممين ع رفع الموضوع الله يسلممم هَـاالأيادي يـاااارب ��

اه يا شغل البيت اللي مو راضي يخلص
بس انا بصراحه اخلي يوم في الاسبوع لنفسي طبعا في حال مالقيت فرصه طول الاسبوع وطفشت مرررره قفلت معي في حريقه البيت والله اطنننننش كلللللل شي واروح اتسبح بروااااااااق واسترخي وخلطات وادلع نفسي ع الاخر طبعا مو ع قولتك لسي السيد لا والله عشان نفسي انا انثى قبل كل شي واستشور وكاني باجهز لمناسبه والبس لبس بيت يكون من زمان ما لبست مثله يعني لو انا ماسكه خط ع البجايم البس قميص او العكس او البناطيل اغير ببرموده الوان غامقه البس فاتحه واعس بونااااسه ههههههه

الله يعينك يا اختي و يحفظك و يقويك و الله ما ألومك شغل البيت متعب لكن خلك ايجابية

ما شاء الله نجد ما قصرت كفت و وفت اهم شي عودي اطفالك على النظام و انهم يساعدوك مهم جدا و لا تقولي صغار يتعلموا لما يكبروا لااااااااااااااااااااا لو ما تعلموا الان متى حيتعلموا

بقول لك على طريقة ممكن تستفيدي منها اعرف وحدة ما شاء الله مرتبه حياتها بهالطريقة

مبدأها توزيع المسؤوليات يعني مو كل شي عليها

عندها ولدين و بنتين و كلهم في المدارس و ارتاحت لما استغنت عن الشغالة

أولا غسيل الملابس معودة الاولاد بالنسبة للملابس النظيف يرجع الدولاب و الوسخ في سلة الغسيل

لما يبدلوا و يلبسوا لبس المدرسة البجامة يرتبوها فوق السرير عشان لما يردعوا من المدرسة يلبسوها طبعا هم من الليل يكونوا لابسين بجامة نظيفة

كل واحد من الاطفال له خمس لبسات للمدرسة تكويها و تجهزها يوم الجمعة و خلاص ما تشيل هم طول الاسبوع لبسهم جاهز و نفس الشي لزوجها خمس لبسات جاهزة للدوام بعدد ايام الاسبوع

الاولاد ما عندهم لبس كثير و دولابهم مرتب و الزايد عن الحاجة يطلع

مش كل غرفة مفتوحة في البيت فقط الي يحتاجونها

محددة بالضبط وقت لكل شي لما يخلص الشغل المحدد لكل يوم خلاص ترتاح تفضى لنفسها

تعالي للطبخ و هو اكثر شي تحاول تخلص منه ليه ؟ لان ما تقدر تكشخ و هي ريحتها كشنة و بصل و ثوم فتحاول انها تخلص مثلا يوم الاحد طبخ لثلاث ايام ( الاحد الاثنين الثلاثاء ) و طبعا معهم العشا

تحاول تعمل اطباق تتحمل تنترك بالثلاجة و تحرص على التغليف الجيد و ممكن حتى تخلص ثلاث ارباع الطبخة و الجزء الاخير تخلصه بعدين و غير كذا تفرزن اكلات كثيرة لفترات قليلة عشان ما يتغير الطعم

طبعا اليومين الي تطبخ فيهم هما الاحد و الاربعاء في هاليومين اول ما يطلعون افراد عائلتها للدوام و قبل ما تبدأ طبخ تزيت شعرها و تعمل خلطة لجسمها و بشرتها الشوربة تعمل نوعين كل نوع يكفي ليومين يعني الشوربة تكفيها لاربع ايام

الفطور تعمل له منيو كمان و تجهز له يوم الاحد ( مثلا فول تكشنه و يكون جاهز و متغلف في الثلاجة -حمص -خلط المواد الجافة للبان كيك و قيسي عليه الاشياء الي تجبيها للفطور ) و غالبا شغلات الفطور تتجهز من الليل مثل الصحون الاكواب و مرات حتى تجهز السندويشات و على التسخين االصباح فقط

و اهم شي انها عاملة منيو للطبخ شهري و تكون شارية كل لوازمها الي تحتاجها


العناية بنفسها هي تعمل خلطات للجسم و البشرة و الشعر مرة وحد يوم الاحد و الاربعاء عشان تتروش كامل بعد الطبخ ...باقي ايام الاسبوع تتروش بس جسمها بدون الشعر الا لو احتاجت تتروش كامل

نظامها رائع و منعكس هالشي عليها بشكل واضح و لو تذكرت شي رجعت ان شاء الله