أنا بعد ما شفت تشجيع من بنات الكروشيه الحين يايه وكلي همه ونشاط وراح اشتغل وابيكم كلكم معاي تشتغلون والنتيجه بتكون روعه
بالنسبه لتكتيك الشغل <<<يا عيني على الكلام الكبير :42:
راح احطلكم طريقة وحده أو اهي ورده بالاصح شفت مدربتي مسويتها بخيوط الحرير-ستار ملونين ومشبكتهم بتسويهم ستاره روعه
وكنت مستهينه بهذي الورده
بس لما تخيلتها ممكن نسوي منها وايد اشياء:)
وابي همتكم معاي
بالنسبه لنا حاليا راح اعلمكم الورده واهي سهله وبسيطه وما تاخذ وقت ابدا
وكل وحده تتفن في استخدامها
وهذي طريقتها :
بالنسبه للشرح:
تسوين 4 سلاسل وتفلينها وتسوين بالحلقه 8 غرز حشو
وبعدين بكل غرزة حشو تعملين غرزتين حشو (صاروا 16 غرزه)
بعدين بغرزة حشو تعملين 3 سلاسل - 3 اعمده - سلسلتين- 3اعمده - 3سلاسل وتقفلين بنفس الغرزه
وبعدين ب3غرز الجايه تعملين حشو وبالرابعه تكررين(هذي طريقة عمل البتله كملي الشكل لين يصبح 4بتلات)
وهذا شكل وردتي بس للأسف حطيتها بالسكنر والصور مو واضحه
جربوها بتطلع روعه بالصج وخصوصا اذا كان الخيط حلو :22:
راح اجربها وافكر ايش اسوي منها