ياهلا وغلا

سرقات النت حدث عنها ولا حرج
ما يترفع عنها الا من يخاف الله

انا يا ما شفت مواضيع لي كنت منزلتها هنا في عالم حواء ولقيتها في منتديات ثانية ومنسوبة لهم
النكتة ان وحدة نزلت لي موضوع وكنت مسوية مجبوس فقع
وبما ان بنتي ماتاكل فقع سويت لها كاري وخبز

المهم اللي نقلت الموضوع ونسبته لها ماتعرف ليش الخبز موجود عالطاولة
لما سالها احد الاعضاء اللي ردوا عليها وليش الخبز مع المجبوس ما شوف له داعي ولا بس للزينة
ماعرفت شتقول له قامت تضحك

طيب قولي له منقول وريحي نفسج هههههههههه

في الحياة نمر في مواقف نضحك عليها غصب

ومرة وحدة نقلت ملفي بالحرف الواحد مع اخطاءه المطبعية

http://forum.hawaaworld.com/showthread.php?t=1402927

المشكلة مب في النقل
المشكلة في الكلام المكتوب في بداية موضوعها

تقول رجاء لا حد يجي يقول لي ان طبخاتك منقولة ترى انا تعبت وطبخت وصورت وحملت الصور

قلت لا اله الا الله

حتى يد بنتي كانت طالعة في وحدة من الصور قال ولدي ردي عليها وقولي لها هذي يد من ههههههههههههه


قلت يوووو فاضية اسجل في كل المنتديات عشان ارد على اللي ينسبون شقى غيرهم لهم

اللهم يهديهم ويصلحهم

من جد انا بعد شايفه كثير يعني انا ماادري عيب لو قالت منقول !!

بالعكس انا احس المنقول واضح جدا .. وياما شفت بعض البنات يسرقون طبخات من منتديات ثانيه ويجون هنا خاصه بعالم حواء وتلزق على الصوره اسمها حتى لو تلاحظون ان الاسم كاتبته عن طريق الرسام ..

وانا بصراحه قلت مافيه الا اني انزل موضوع ومن هالمنتدى بالذات عشان يعرفون البنات ان كلمة منقول ماراح تضرها شي ..
يعني اقلها خافي ربك بعض صاحبات الموضوع تكتب لااحلل النقل اقلها حسي بهالعباره ..

او انقليه وانسبيه لصاحبة الموضوع الحقيقه ..


من جد هداهن الله بس ..

تعقيبا على فكرة موضوعك :انا مو مع البنات الي يسرقون مواضيع وينسبونه لهم لكن أنا أيضا ضد البنت الي تقول أنا ماأحلل الي تنقل موضوعي !!

طيب ليش الأنانيه هذي ! ماتبين احد ينقل موضوعك لاتنزلينه من الأساس !



عموما ً :
الله يعطي الي عملت الوصفه هذي خير ويعطي الي نقلتها كمان خير لأن الصور مشهيه جدا ,, والحمدلله اني شبعانه ولا كان تسدحت على امي الحين