ماشاء الله ماشاء الله عليكى يا عفريته الشال جميل قوى وطلعتى اروبه فى عمل الورده انا كنت مش عارفه طريقتها لكنك شرحتيها بالتفصيل واصبحت طريقتها واضحه جدا تسلم ايدك:26: :26: :26:

ممكن اطلب منك طلب فى صديقه لى عايزه تعمل بطانيه لبيبى ممكن تقولى لى بعض الافكار لبطانيه جميله وتكون الوانها مناسبه للبنات وشكرا:26: :26: :26:

عندك حس فني وخيال رهيبين وفقك الله ولا ننسى الأنامل الحلوه
عفريته اديك سعر تقريبي(50 درهم ) ولوانه يستاهل أكثر لكن خلينا نشوف رأي البقيه والسعر اللي الجميع يستقر عليه اختارية

bolbol40: إنت فين من فترة مختفية؟؟؟
بالنسبة إني أروبة!!! أنا أروبة طبعا أومال إيه ؟ :p
والوردة أنا فكرت فيها لأن كان عندي نول في مسامير بشكل دائرة.. بس مكانتش بتتحرك .. فاضطريت أعملها على كرتون لأن شكلها مختلف عن النول إللي عندي..
وهيا طريقتها سهلة وممتعة بصراحة .. أتمنى تجربيها :27:

بالنسبة لبطانية البيبي.. أنا عملت بطانية هنا.. صاحبتك ممكن تنفذها بلون أبيض× بمبة.. وهيا سهلة جدااا لأنها كلها بغرزة العمود (البريد المنزلقة زي ما بتقول راجية) ..

وفي بطاطين في دورة عالم حواء التطبيقية للعزيزة الطيور المهاجرة ..

هجورة: الكلام ده كبيييييييييييييير .. أتمنى إني أكون قده
:27:
شكرا على مساعدتي في التسعير .. :26:

انا كنت مختفيه لظروف صحيه ودلوقتى الحمد الله فيه تحسن ادعيلى ان يتم الله علىبالشفاء
واشكرك على فكرة البطانيه حلوه قوى البطانيه بتاعتك يا عفروتو وبما انك عملتيها ايه رأيك اعمل كل مربع بلون لوحده و فى الاخر اقوم بتشبيك المربعات مع بعضها :26: :26: :26:

بلبلة : حمد لله على السلامة .. وربنا يتم شفاك إن شاء الله ..

بالنسبة للبطانية .. أنا مشبكاها من ناحتين بس .. لأني اشتغلت 3 أعمدة طويلة وبعدين شبكتهم في بعض.. أنا شايفة إن كده أسهل من إنك تعملي كل مربع لوحده وبعدين تشبكي في الآخر .. بس كله في الآخر بيدي نفس النتيجة.. مع اختلاف بسيط .. يعني بطانيتي مش حيظهر فيها أوي التشبيك.. بس تشبيك كل مربع حيدي شكل منفصل لكل مربع أكتر .. وفي الآخر هيا وذوقها :42: