المـــقاديــــر
ماظن بيت يخلى منها :
عجينه سمبوسة وانا استخدم سويتز لانها لذيذة + كريمة مخفوقة + جبن كاسات كرفت راح اخذ منه ملعقتين بس
الحشوة :
شاورما دجاج امريكا واذا ماعندج تقدرين تسلقـين دجاجة وتنتفينها وتحمسين بصل وبهارات وتحطين الدجاج وتقلبينه شوي ماتاخذ وقت
نقسم العجينه بالنص مثل الصورة عشان ماتصير كلها عجين الشاورما
نحط شويه من الحشوة بالعجينه ونلفها رول
بعد ماكملنا اللف ومايحتاج نحط اخر شي لا طحين ولا حليب ولا بيض هو بروح يمسك من الخلطه اللي بتنحط اخر شي
ولما نخلص رصها بالصينية نخلط الكريمة المخفوقة مع ملعقتين جبن كرفت ونحطها على العجينة
وندخلها الفرن تاخذ تقريب نص ساعه والعجينة بتستوي من الكريمة المخفوق والجبن
وهذي صورتها بعد ماطلعتها من الفرن
وهذي لاول وحده تدخل
وعــوافي على قلوبكـــم