
السلام عليكم ورحمه الله وبركاته
حبيباتي بنوتات حواء وحشتوني كلكم يارب تكونوا بصحه وخير يارب ..
كتابتي اليوم مو علشان أشكي .. حبيت أطلعكم بشئ مما يجول بخاطري
يمكن أبغى أفضفض .. أبغى أحد يسمعني
والأ كيد ,, أبغاكم تشاركوني آخر قناعاتي اللي وصلت لها ,,
أتوقع بعضكم يتذكر روعه بكل شي لما يجي طاري موضوع الزواج ,, لأني كنت أحن عليه كثيييير وأتمناه من كل قلبي .. وكان بتوقيعي دعاء اني اتزوج واطلبكم دائما دائما تدعون لي .. وأي موضوع زواج لازم أكون من ضمن القائمه ..
لكن الان غيرت رأيي ..!!!!
لاتروحون بعيد ,, ما أقصد اني ماابغى اتزوج أو قلَت هالأمنيه فيني لا ,,
لكني اقتنعت بأمرين ..
الأول / ان الزواج نصيب ومكتوب ومابيفيدني شي كثره تكلمي عنه قدام الملاْ.
الثاني / أن الخيره فيما اختارها الله , وربي اني متيقنه بهالشي ,,
تعرفوا بنات اوقات كثير احمد ربي اني ماتزوجت قبل سنه او كم شهر !!!!!!!!!
السبب .. ان في أشياء كثير تعلمتها قريب عن الأمور الحياتيه .. وعن نفسي !
فعلاً (كل تأخيره فيها خيره) ,,
والأهم من هذا كله .. اني حسيت بعظمه عباده الدعاء والتذلل الى الله .. لماذا أشكي الى البشر ,, وأموري بيد الله ؟!
ماتتصورون الراحه العظيمه وانتي تطلبين وتشكين وتتجرين ربك ورب الأكوان حاجتك .. وانتي موقنه بان الله سيستجيب حاجتك ..
بالنسبه لأمري الثاني ,, المزعج والمؤرق .. ((بطالتي ))
حاولت أضيع وقتي بما هو مفيد ونافع وخير باذن الله .. ولكن أريد الحصول عى وظيفه بعد تخرجي ..
ولا أخفيكم سرا ,, ان ماما قالت لي مره .. مابيجيك عريس وانتي مااشتغلتي الحياه صعبه وهالكلام بابا كمان يلمح فيه ,,
طبعا بالبدايه اثر فيني ... ولكن بما اني متيقنه بالنصيب ,,ما تألمت كثير من هالتلميحات ..
وانا ابغى اشتغل علشان اعتمد على نفسي واغطي حاجياتي و .. و ..
تعرفون ايش جا ببالي .........!!!!
بما أني باقي ماتزوجت والزواج مو بيدي مايصير انا اللي اسعى ادور لي على زوج,,
حصولي على الوظيفه بيكون أسهل ان شالله ,, لاني انا بسعى لها وبركض وراها ..
عملت عدت مقابلات .. واجتزت عده اختبارات ولله الحمدلله في عده شركات ولكن ربي مايكتب لي نصيب اتوظف
وربي انحرج من ابوي لما مؤسسه او شركه تدق علي واروح معاه بدون فايده
بس اصبر نفسي وأقول خيــــره يارب ,,
أهم مافي الموضوع ..
فعلا فعلا ,, كل أمورنا بيـــــــــد الله سواء سعيتي ورا الشي او كنتي غافله او .. او ..
كل شي مكتوب ,,
معليه الواحد يبذل الأسباب ,, ويحاول ,, لكن الامر الاول والاخير بيد الله ..
لا تيأسي .. لا تملي .. هذا الشيطان يحـــبطك .. يبغاكي تكوني يائسه يبعدك عن الله
غاليتي ولو حصل شي ماتحبيته او ماتحقت لك امنيه تتمنيها قولي اكييييييييييييد كذا خير لي والحمدلله ..
فعلا من المهم حمد الله على نعمه .. شوفي من هم أقل منك وضعا من جميع الجوانب ..وصلي الله وسلم على النبي محمد وعلى اله وصحبه وسلم ..
اتمنى يكون موضوعي خفيف عليكم .. ولاتحرموني من دعائكم