":.<< شـــــئ~ مــــن لاـ شــــئ~ >> :."

الأسرة والمجتمع






السلام عليكم ورحمه الله وبركاته

حبيباتي بنوتات حواء وحشتوني كلكم يارب تكونوا بصحه وخير يارب ..

كتابتي اليوم مو علشان أشكي .. حبيت أطلعكم بشئ مما يجول بخاطري
يمكن أبغى أفضفض .. أبغى أحد يسمعني
والأ كيد ,, أبغاكم تشاركوني آخر قناعاتي اللي وصلت لها ,,

أتوقع بعضكم يتذكر روعه بكل شي لما يجي طاري موضوع الزواج ,, لأني كنت أحن عليه كثيييير وأتمناه من كل قلبي .. وكان بتوقيعي دعاء اني اتزوج واطلبكم دائما دائما تدعون لي .. وأي موضوع زواج لازم أكون من ضمن القائمه ..

لكن الان غيرت رأيي ..!!!!

لاتروحون بعيد ,, ما أقصد اني ماابغى اتزوج أو قلَت هالأمنيه فيني لا ,,

لكني اقتنعت بأمرين ..

الأول / ان الزواج نصيب ومكتوب ومابيفيدني شي كثره تكلمي عنه قدام الملاْ.
الثاني / أن الخيره فيما اختارها الله , وربي اني متيقنه بهالشي ,,

تعرفوا بنات اوقات كثير احمد ربي اني ماتزوجت قبل سنه او كم شهر !!!!!!!!!

السبب .. ان في أشياء كثير تعلمتها قريب عن الأمور الحياتيه .. وعن نفسي !

فعلاً (كل تأخيره فيها خيره) ,,

والأهم من هذا كله .. اني حسيت بعظمه عباده الدعاء والتذلل الى الله .. لماذا أشكي الى البشر ,, وأموري بيد الله ؟!
ماتتصورون الراحه العظيمه وانتي تطلبين وتشكين وتتجرين ربك ورب الأكوان حاجتك .. وانتي موقنه بان الله سيستجيب حاجتك ..


بالنسبه لأمري الثاني ,, المزعج والمؤرق .. ((بطالتي ))


حاولت أضيع وقتي بما هو مفيد ونافع وخير باذن الله .. ولكن أريد الحصول عى وظيفه بعد تخرجي ..
ولا أخفيكم سرا ,, ان ماما قالت لي مره .. مابيجيك عريس وانتي مااشتغلتي الحياه صعبه وهالكلام بابا كمان يلمح فيه ,,

طبعا بالبدايه اثر فيني ... ولكن بما اني متيقنه بالنصيب ,,ما تألمت كثير من هالتلميحات ..

وانا ابغى اشتغل علشان اعتمد على نفسي واغطي حاجياتي و .. و ..

تعرفون ايش جا ببالي .........!!!!

بما أني باقي ماتزوجت والزواج مو بيدي مايصير انا اللي اسعى ادور لي على زوج,,
حصولي على الوظيفه بيكون أسهل ان شالله ,, لاني انا بسعى لها وبركض وراها ..

عملت عدت مقابلات .. واجتزت عده اختبارات ولله الحمدلله في عده شركات ولكن ربي مايكتب لي نصيب اتوظف 

وربي انحرج من ابوي لما مؤسسه او شركه تدق علي واروح معاه بدون فايده 
بس اصبر نفسي وأقول خيــــره يارب ,,


أهم مافي الموضوع ..


فعلا فعلا ,, كل أمورنا بيـــــــــد الله سواء سعيتي ورا الشي او كنتي غافله او .. او ..
كل شي مكتوب ,,
معليه الواحد يبذل الأسباب ,, ويحاول ,, لكن الامر الاول والاخير بيد الله ..
لا تيأسي .. لا تملي .. هذا الشيطان يحـــبطك .. يبغاكي تكوني يائسه يبعدك عن الله

غاليتي ولو حصل شي ماتحبيته او ماتحقت لك امنيه تتمنيها قولي اكييييييييييييد كذا خير لي والحمدلله ..

فعلا من المهم حمد الله على نعمه .. شوفي من هم أقل منك وضعا من جميع الجوانب ..
وصلي الله وسلم على النبي محمد وعلى اله وصحبه وسلم ..

اتمنى يكون موضوعي خفيف عليكم .. ولاتحرموني من دعائكم 
17
1K

يلزم عليك تسجيل الدخول أولًا لكتابة تعليق.

تسجيل دخول

محبة اختها حواء
كلامك صحيح ولو اني ماني متزوجه كان مافكرت فيه قد ماافكر في الوظيفه والانسانه اذا عندها اب وام يسسسوون هذي الدنيا ليش تروح ورا المشاكل وتعب النفس وعدم الراحه صدقيني الزواج مسؤؤؤؤليه ومسؤليه كبيييييره جدا ومتعبه خاصه اذا الوحد ماتوفقت في رجل يعرف حقوقخالقه اتمنى لك رجل يسعدك دنيا واخره ويحقق جميع متطلباتك الدنيويه والاخرويه
روعه بكل شي
روعه بكل شي
محبه اختها حواء ..

ألف شكر .. عطرتي صفحتي .. واشكر لك دعواتك .. ويارب يناولك أفضل واخير مما تتمنين ...
(alwan)
(alwan)
ماشاء الله أنا مثلك والحمد لله على هذا الفضل ..
الله ييسر أمورك ويرزقك
بصمةخير و همسةحنان
وعليكم السلام ورحمة الله وبركاته
هلا فيك روعة بكل شيء
سبحان الله وأنا اقرأ كلامك احس أنا اللي كتبته لأنك عبرتي عن حالتي ووضعي وقناعاتي قبل وبعد

صح تغيرت نظرتنا للأمور ،،،
وارجع الفضل لله ثم لهذا المنتدى بمافيه من اخوات طيبات مثلك وشرواك

كلنا في مجتمعنا الخارجي كنا نحس أن الزوااااااااااااااااج مصير كل بنت وإن تأخر فلابد يكون المرحلة التالية للتخرج !!!
حتى اغلب العضوات (الآنسات) لمست من مشاركاتهم الأولى هنا أن هاجسهم يدور حول الزواج
وأنا ماالومهم لأن البيئة الإجتماعية اللي تحيط فيهم تخلي هالشيء هو الوحيد نصب اعينهم
بصراحة الأهل والزميلات وحتى استاذاتنا ودعونا بعبارة : السوق سوقكم وأنتم تحت الأنظار ههههه

لكن خلال هالمنتدى كل وحده فينا حست انها مو حالة نادرة أو شاذه مثلها الاف (بعكس مجتمعك الضيق تحسينك الوحيده)
وغير كذا حست أن فيه اشياء ومجالات عديده لها اولويتها في الحياة غير الزواج
لا وبعد اطلعنا ومازلنا كل يوم نطلع على شيء يفيدنا ونكتسب معلومات عن اشياء كنا نجهلها فعلا لو تزوجنا قبل ماكنا عارفينها
وكل يوم نقرأ كذلك شيء يذكرنا بالغاية من وجودنا وهو العباده والعمل للدار الأخرة
بل حتى المواضيع اللي تزرع فيك القناعة والرضى بالقضاء والقدر اجدها هنا ايضا

فالحمد لله حاليا مقتنعه وراضيه بكل قضاء وقدر وكل يوم اشوف مستجدات علي استفيد منها


وعلى طاري الوظيفة،،
مثلك تماما كل فترة مقابله حتى اخذت على المقابلات بشكل لدرجة ماتشكل عندي هاجس مثل السابق ومع ذلك رغم الرضى اللي المسه منهم وقناعتي بأي وقت دوام ومرتب إلا أن
ربي لم يكتب لي الوظيفة ولا في اي وحده فيهم !!!!
غريب صح !! بس خيرة الله فوق كل غرابه

دعواتي لك بالتوفيق والسعادة الدنيويه والاخرويه والله يرضى عليك
وياحبي لك ياغالية :26:
**طفله حنونه**
**طفله حنونه**
كثير اوقات اكووون راضيه والحمدالله لكن حيان يجيك ضعف وتقولين بنفسك لو انا متزوجه هع

اختي روعه كلامك رائع وما توصلتي له اسعدني وفرحني والله

وبعدين احنا اذا تأخرنا عن الزوج وماكتبه الله لنا عادي جدا لأننا تأخرنا عن المشاكل هههههه <<على قولة صق صق الله يذكرها بالخير

اتمنى لك كل التوفيق والسعادة والله يرزقني واياكم الرضى والثبات وراحة البال