اليوم بكتبلكم خلاصة تجاربي في اي شي وكل شي للشعر
اول شي بتكلم عن طبيعة شعري عشان ما اضر احد نوع شعري عادي يميل الى الجفاف مقصف الاطراف دايمن مطعج تتطعيجات ناعمة يعني كيرلي
1- تجاربي في تطويل الشعر
جربت الشامبو الاندنوسي ميتال
استخدمتو شهرين أو تلاتة اللي استفت منو خفف التساقط بس في المقابل مالاحضت طول وكمان نشف شعري مع إني كنت استخدم بلسم بعدو وكمان ماينضف الزيت ادا كنتي داهنة شعرك وفية ريحة حلبة خفيفة
تقيمي: مايسوى
-جربت تونك
استخدمتو 3 شهور طول شعري بشكل ملحوظ يمكن طول اربعة اصابيع بالعرض خلال التلاتة شهور
يعتبر سريع مع شعري لانو مايطول بسرعة
سعرو 100 ريال
تقيمي لة جيد
-جربت حبوب هير دال
ممتازة بمعى الكلمة انا استخدمها من شعر رمضان يعني ليا خمس شهور ودا السادس تطول الشعر بشكل جدا ممتاز لانو فيها جديد وزنك وبيوتين ومعادين وفتمينات كتيرة وتخفف التساقط يسر التساقط طبيعي مقارانتة بقبل
سعرها 77 ريال تساتهل كل ريال تكفيكي شهرين
ملاحظة انا عندي تكيس مبايض يعني التساقط عندي خرافي مايتقارن بوحدة صبغة شعرها وانحرق ولا لعبت بشعرها لانو تساقط هرموني وفادتني جدا بس احب انبة على شغلة انو اللي تكون حامل او ترضع او ناوية على حمل لا والف لا ليش لانو فتمينات الشعر والبشرة تكون فيها فتامين Aوهادى الفتامين يسبب تشوهات للاجنة فلي ناوية على حمل تسبو قبل الحل بي 6شهور .
-استخدمت زيت دابر فتكا
الزيت دا فنان بمعنى الكلمة زيت جوز الهند وفية املا وحنا وليمون واكليل الجبل
يخفف تساقط عشان اكليل الجبل
الليمون ينفع ادا شعرك فية قشرة وكمان قابضة للمسام الشعرة
وزيت جوز الهند عرفين فوايدو
والاملا والحنا للكثافة
الزيت دا مرااااااا يطول الشعر وخفيف على الشعر يطلع من الشعر بسرعة لما يتغسل وريحتو جدا خفيفة
ملاحة ترى يغمق لون الشعر زي دابر املا ومكتبوب علية يحمي من الشيب المبكر
استخدمو مرا في الاسبوع ساعتين
تقيمي لة جدا ممتاز احسن من خلاطات الشعر والخربطة الزايدة
سعر الكبير 8 ريال
زيت السمسم
انا احط معاه املج اللي هوا الاملا وفوايدو جدا كتيرة واهم شي انو يفرد الشعر وزيت السمسم من الزيوت اللي تنعم الشعر ويغمق لونو ويطول طبعا الفرد مرا بعد مرا مو فيوم وليلة
طبعا انا اخدو من المعصرة
استخدمو من مرتين في الاسبوع والزيت يكون ضعف كمية الاملج
لمدة ساعتين
بلنسبة للمعة
جربت اشاء كتيير مافادني الا
ماسك اخدتو من وحدة هنا
زبدة سايحة ومايونيز وعسل ولبن زبادي الكمية حسب طول شعرك وانا اضيفلو سمسم مطحون ومحمس
مراااا ممتاز يدي الشعر لمعة
بلنسبة لكريمات الشعر
1- كريم لوريال الوردي صورتو فوق
2-كريم بودي شوب بلجوز البرازيلي منعم للشعر واقي من الحرارة
وأي سوا لانا حاضرة هادي افضل الأشياء اللي استخدمتها وان شاء الله اكون افتكم وان شاء الله تبان الصور