شـــــوق من خلف القضبان تنخـــى

شـــــوق من خلف القضبان تنخـــى قبيلة الأسلــــــــــم!!!!!

--------------------------------------------------------------------------------

أنا شـــوق من فخذ الدهام من عليان الدغيرات من اليحيا من عــبده اخــتـرت عيال عمي الأسلم (أهل اللحيسا) بهذه النخوة الشمريه لرفع الظلم عني وإعادة ابنتي تذكار ألبالغه من العمر شهرين وذلك لقناعتي بماضي وحاضـــر ومستقبل الأسلم العظيم ومواقفهم ألعظيمه و النادرة بين القبايل فانا اعرف بأنهم (ســـتر الشمريه) ومن إعجابي بهم فانا محتفظة بصوره كبيره بمنزلي للشيخ محمد ابن ضاري الطواله يرحمه الله أدعو له بالمغفرة كل صباح ومساء. عيال عمي هذا ماقلت واسمحوا لي بالتقصير فالمسجون معـــذور!!!!!
ابعـث سلام العـيد وسـط الرسالة Xx لقبيلة الأسلم هل الفعــــل والصـــيت
قبيلة الأسلم فعــــوله لحــــاله Xx نخيتهــم بالليــــل بالسجــن ونيـــــت
عمي معشي الذيب يوم اشتكاله Xx وابن دهام خليف جـــــدي تمنــــــيت
مشهود لــه ذابح منيحــة عيــالـه Xx ماغيرها يوم اعــتذر قــال هســــــيت
يوم إن ابن مسطح قصد في دلاله Xx في قولته عند السنا في تقهــــــــــويت
ابن دهــام اللي فلـــيح قبـــــــالــه Xx عز الله انــــه عادتــه قال شـــــــبيت
معــــــربه جــدين ماني حثالـــــة Xx وعز النشا ما من خــــوالي عفــاريت
ياعيال عمـــي ماكسبنـــــا فســالـه Xx من شــان بنتــي ياجماعه توازيــــت
ماأمشي بدرب المهزلة ولظلاله Xx والسوق حتى مانصيته تمشـــــــــــيت
أقود وجه اللي عطـــاني خصاله Xx في بيت أبوي اللي هــــداني تربيــت
أبوي مخلف وافتخر في ظــلالـه Xx تاج على راسي ليا أصبحت وأمســـيت
شلت السلاح ولا نويت الرز اله Xx قلت انتحر ياناس للمــــوت شــــــديت
مظلـــومة بالحــيل واطلب عـدالــه Xx ضاعت حقوقي بين ناس طواغــــيت
تذكار صبح العــيد تعيد لحـــــــاله Xx وانأ بعيدي بالكلبشة تـــــــحــــنيــــت
اسلم نخيته نخــوتي في رجــــــاله Xx أهل اللحيســـــا عزوة الحــي والمــيت
الاسلمي باســـه يحطــم جبــــــــاله Xx قصـــــدتهــــم وانأ لعــــبده تعـــــديت
ذكرت أبو ضـــاري وجــاني خياله Xx ومن شـان قدره ارفعــه داخل البيــت
وبرغش وضاري عزوتي هم أشباله Xx عـــرين اخـــو صلفـــه للأمجاد ناديت
وانخـــى الطوالــه كلهم بالكمالــــــه Xx اللي لــــهم بالفعل قول وتثبــــــــــت
وانخى ابن وجعــان يا جاء مجاله Xx مشعـــــل أبو ثامر ياقلت وفيـــــــت
وانخى ابن حسان ياحـــي فــــــــاله Xx وأقول ياحمــــــاد دايم تعلـــــــــــيت
وانخى الوهب وجموعهم للمقالة Xx وعموم اسلم مانبي قول تشــــــتيت
وانخى همزان ورأسهم ينعنا له Xx وهتاش ابن حضيري بالقول عديت
ولــشاعر المليون تأصل حباله Xx تعبير ياعبود وللقول وفــــــــــيت
والمعذرة يالابتي بالاطالــــــــــه Xx أنا خلوج لأم شهرين حـــــــنيت
وصلوا على اللي اعتنى بالرسالة Xx اذكر جنابة كل ماقمت صـــليت
(منقول من منتدى الأسلم )

الله يفك اسر شوق ويرد بنتها لها بالسلامة