السلام عليكم ..
اليوم جبت طريقه لشوربه العدس بالكركم لذييييذه ودايم ماما تسويها لنا ..
وبما اني بالسكن الجامعي ومشغوله بالدراسه والكرف والدوام ماعندي وقت ابدا اطبخ
ومطبخ السكن بسيييط ولا عندي كل المقادير ولا امكانيات مطبخ للاحتراف ..
فتعلمت طبخات بسيطه وسريعه من ضمنها شوربه العدس بالكركم ^_^
علمتني ماما وزبطتها من اول مررره .. نص سااااعه وهي مخلصه
ومعاها سلطه ولا خببز بر وتكووووون وجبه مفيده ولذيذه
وانظف من مطاعم السكن والوجبات السريعه ...
^^^^
قصه حياتي :024: ..
نجي للمقادير :
كأس بلاستك عدس
ملعقه حلى كركم مطحون
ملعقه تحليه شاي كمون
نص حبه ماجي
ملح
حبه بصله مفرومه فرم ناعم + حبتين ثوم مدقوق >>> ما كان متوفر الثوم
فستغنيت عنه ، وزيت لتشويح البصل ..
وربع اصبع زبده >> عن تجرمه زبده لورباك اطعععم زبده
في التاريخ مافيها ريحه زفرر ..
وكريمه خفق >> اختياريه تنحط مع العدس اذا طبخ
لعدم توفرها استغنيت عنها
الطريقه :
نحط العدس بقدر ونحط عليه مويه مغليه ونخليه يغلي >> المويه مثل يوم نطبخ
الرز الابيض ، ينترك يغلي ليين تستوي ..
يصير شكله كذا بعد الغلي ويكون باقي شوي مويه ..
نحطه بالطحانه ونطحنننننه وبينطحن بسهووووله في ثواني ..
بقدر ثاني نحط الزيت والبصل والثوم ليما يذبل البصل وبعدين نحط الكركم
والكمون والماجي ونقلبهم (( انتبهوا بسرعه تنحرق مجرد تحريييك ))
وبعدين نحط العدس على الكشنه ونملحها >> انتبهوا بسرعه تتملح عشان الماجي ..
ونحركم ونخليهم يطبخووون ليين يبدأ العدس يطلع الفقاعات ونطفي عنها النار ..
ونحط ربع اصبع زببده يعطيها نكهه لذييذه وبقدونس مفروم ما كان متوفر عندي ..
بليييييييز لا أحد يرررد للموضوع بقيه ..
عدنااا ..
وهذا شكلها النهائي اكلتها مع الخبز البر .. لذيييييذه فوووووق اللذه ..
وهذا مشروب الطاقه الخاص فيني :biggthump ...
للكوب .. 3 ملاعق كبيره حليب وملعقه كبيره سيريلاك وشوي سكر ..
نحركهم مع بعض قبل لا نحط المويه عشان لا تتكتل ..
ونحط المويه المغليه ويممممممي اطعم عندي من الكباتشينو مع الشوكلت ^_~
وادعولي ان ربي يوفقني الساعه 1 عندي اختباااار نهائي اخر مااده لي بالجامعه ^_^ ..
أنتظر ردودكم الجميله .. واللي مافيها ترد لاااايك قبل لا تطلع ^_^ ..
سُبْحَانَكَ اللَّهُمَّ وَبِحَمْدِكَ أَشْهَدُ أَنْ لا إِلهَ إِلأَ انْتَ أَسْتَغْفِرُكَ وَأَتْوبُ إِلَيْكَ