السلام عليكم ورحمة الله وبركاته
قبل اسبوعين ولدت بالتونسي الي بمكه
والله انه قمة الاستهتار والدمار
يستدرجون الوحده وقت الحمل والابتسامات وبمجرد دفع الفلوس تشوفون الوجه الثاني
رحت عشان اولد عندهم ودخلت غرفة الولادة وجتني الممرضه وقعدت شوي ثم راحت عني
وتغيب ساعه ولا اكثر وبعدين تجي وبعدها تروح وعليها
والي اعرفة ان الممرضه او القابله تجلس عندك لحد ماتولدين (( ولا ليش دافعين فلوس))
وبس ولدت والحمد لله طلعوني على الغرفه ومن بعدهاالى اليوم الثاني ماحد جاني لا دكتورة ولا غيرها
وقمت وانتم بكرامه على دورة المياة قسم بالله ان دورات المياة في الاستراحات افضل منها .
لا فوط ولا مناديل ولا صابون....ولا نظافه
وبعد تقريبا ساعه بديت احس بالبرد وارن جرس وانادي في هالممرضات ماعندك خبر
وبعد ها بشوي والا احس بانتفاخ ببطني وصاير بطني مثل البالونه غير عن المغص الي ذبحني
ورنيت الجرس مرة ثانيه وجاتني الممرضه وقلت لها ابغى الدكتورة قالت لي لا بكرة تجيك........
قلت طيب بطانية قالت بس تدفعي فلوس قلت انا دافعه خمسة الاف
قالت لا هذا بس حق ولادة. اي شي ثاني بفلوس.....
وراحت وخلتني
واتصل على امي واشكي لها قالت هذا برد جاك واكيد داخلك هوا بعد...حسبي الله
وجا اليوم الثاني وطلبت الدكتورة وبالعافيه جاتني ... ولما قلت لها على الي فيني قالت انتي تتدلعين. طيب اكشفي علي قالت ما يحتاج وتركتني وراحت
يعني نصب في نصب
حسبي الله عليهم
ياليت الاخوات الي جربوه يعطونا تجاربهم فيه
ابتسامه مفقوده @abtsamh_mfkodh
عضوة نشيطة
يلزم عليك تسجيل الدخول أولًا لكتابة تعليق.
خليك أول من تشارك برأيها 💁🏻♀️