آمـ آســر ..// @am_asr_4
عضوة نشيطة
شــوفــو أمــي وش سالفته .. اللي يخليكم .. تكفوووووووون الللي عنده حل تقول
السلام عليكم .. اخباركم ..وكيف رمضان معكم.
الله يعافيكم يابنات .. بقولكم قصة أمــي .. واللي عنده حل يقول الله يحقق مرادكم..
أمي الله يسلمكم, به سكري والتهابات وآلم برجولها وحراره بجسمه دايم ودايم نفسيتها زفت.
بس كل الاشياء هذا ماتحس به إلا وقت مانكون البيت, بس مجرد مانطلع من البيت نسافر أو نروح أي مكان, يصير مابه شئ ابداً حتى إبر السكري ماتستخدمه ابداً.
حتى والله سوت 7 عمليات بطنه وكل شوي داخله المستشفى.
العام ولدت اختي عندنا, ومدة الاربيعين يوم كل ماجاء احد يزوره أخذنا من مويته (يعني جيراننا .. وحريم عماني) المهم, غسلت امي بالماء, وبعد ماغسلت طلع منها حشرات صغيره لونه اسود من تحت الابط, واستمرت اسبوع وكم يوم تقريبا تطلع منها الحشرات وتتعب إذا طلعت منها.
بعده خفت شوي وراح الآلم اللي برجوله ونفسيتها صارت احسن شوي, والحمد لله له مده مادخلت المستشفى.
حتى ابوي معالملته مع أمي زفت حيل دايم يتخانقون ومايحترمون بعض ابداً.
بيتنا دايم نظيف ومرتب بس لو يشوف حاجه ماتسوى قعد يخانق حتى البخور مايحب نبخر بيتنا, مع انه عادي نبخر مجالس الرجال ومايمانع بس بيتنا لا.
بــــعكس بيت زوجته الثانيه والله ثم والله لو تدخلونه كأنكم داخلين زباله (وانتم بكرامه) ريحه وأكل طايح وقراطيس وملابس بكل مكان والمطبخ مليان اواني, وعيالها مو نظيفين وريحتهم أعوذ بالله, وابوي عادي عنده ولا عمره تكلم على بيته ولا عياله, واخوي الصغير والله مرتب ومربى ونظيف بس دايم يخانقوه ويحطمه لدرجه انه اخوي يخاف منه.
حنا شاكين انه بيتنا سحر بس ماندري كيف نطلعه, والسحر هذا بأمي وبين ابوي وامي بعد.
والدليل انه إذا طلعنا من البيت أمي وش زينه.
وإذا طلعت امي من البيت ابوي تتغير معاملته معنا, بشكل كبير نحس انه ابو ويحن علينا ويسأل ويسولف ويضحك, بعكس إذا كانت أمي موجوده.
حنا ودنا نستخدم لأمي القسط الهندي, لانه يقولون يطلع السحر والحسد والعين, بس خايفين على أمي يصير به شئ وتتعب زياده.
20
3K
يلزم عليك تسجيل الدخول أولًا لكتابة تعليق.
اللهم اشفي انت الشافي لا شفاء الا شفاؤك شفاءا لا يغادر سقما
شغلي سورة البقرة كل يوم واذا قريتيها على امك اي ترقينها يكون احسن واقري على ماء وملح
الماء خلي امك تشرب منه كل ما عوزت تشرب
الملح الخشن اللي مقري عليه سورة البقرة خذي اطراف منه حطيه فجميع زوايا البيت
وربي راح تشوفين الفرق من اول اسبوع
الله يخليها لكم ويشفيها من المرض والسحر والعين والحسد والمس ويزوجك انتي يالغاليه برجل صالح تقي ينسيك فهمومك يارب
شغلي سورة البقرة كل يوم واذا قريتيها على امك اي ترقينها يكون احسن واقري على ماء وملح
الماء خلي امك تشرب منه كل ما عوزت تشرب
الملح الخشن اللي مقري عليه سورة البقرة خذي اطراف منه حطيه فجميع زوايا البيت
وربي راح تشوفين الفرق من اول اسبوع
الله يخليها لكم ويشفيها من المرض والسحر والعين والحسد والمس ويزوجك انتي يالغاليه برجل صالح تقي ينسيك فهمومك يارب
الصفحة الأخيرة
ويخليها لكم شغلوا سورة البقره بالبيت او ودوها لشيخ يقرا عليها