بسم الله الرحمن الرحيم
السلام عليكم ورحمة الله وبركاته
كيفكم يا صويحباتي وحشتوني بزاف :heart:
اليوم سلمكم الله كنت بالمصلى اسال الله لي ولكم القبول
وانا في زاوية لحالي اقرأ ...الا اشوف أم اشغلوها بناتها الصغار عن عبادتها وتركيزها
شوي تقولهم اشووشش هدوواء
إبتسموا لأمهم يعني اسفين....ورجعت امهم تقرأ
ورجعوا البنات قرقر واجد
شوي الأم مره ثانية تقول: وبعديييييين اووش
برضه إبتسامه لأمهم..<<ابتسامة تصريفه :S_45:
الصراحه بناتها هادئات وكلامهم بالهمس مع بعضهم
لكن لانهم لاصقين في امهم فماعرفت تركز بالقراءة
وشوي
الام قالت لهم بزعل...انتم ليش ما تقرأون قرأن ؟؟؟
بعدين وجهت سؤال شديد اللهجة لكل وحده فيهم
انتي متى قريتي قرآن
البنت الكبيرة: اليوم عصر
تسالها: كم صفحة
البنت ثلاث صفحات
تسأل الصغيرة:انتي متى قرأتي قرأن؟
البنت : إبتسامه الرسوب مع هزة راس والكتف بـ لا :icon30:
الام عصبت قالت بس فالحين بالقرقرة على راسي اقروا
رجعت الأم تقرأ
إلا في وحده أم مع بناتها في المصلى شكلها كانت تتابع المشهد مثلي
<<تركنا العباده وصرنا نتفرج في الناسفنادتهم يجلسون معهم و يسولفون مع بعض
وبعد السلامات وكيف الحال
قالت انتم تعرفون ان الاعمال الصالحة اجرها يتضاعف في رمضان
أبتسموا لها
وقالوا : ايه صح نعرفسالتهم ليش ماتقرأون قرأن...؟؟
قالت الكبيره نتعب
قالت لهم انتم تحفظون شي من القرأن؟؟
قالوا ايه ...شوي
قالت طيب وش رايكم تقرأون ثلث القرأن؟؟
تفاجأوا البنات وفغروا فغره رهيبه:hahaha:...<<تو يقولون لها نحفظ شوي ..وهي تقولهم ثلث القرآن
قالت طيب تعرفون ان اللي يقرأ سورة قل هوا الله احد عشر مرات ربي يبني له قصر في الجنة
ابتسموا لها مرتن اخرى <<يالبى قلوبهم اللي مايجابون الا بأبتسامه تسبقها :heart:
وقالوا اي نعرف
قالت طيب في رمضان يتضاعف الاجر
يعني لو تقرون سورة الإخلاص عشر مرات ربي يعطيكم اكثر من قصر!! ولان في رمضان اكثر واكثر
ابتسمووووووو اقوى شي في العالم ..ايش ابتسمووا ؟؟...إلا فرحوا فرحة سبحان الله تقول نالوا الاجر وسكنوا القصر
وربي يا إبتسامة ارتسمت على وجوه هاك البنات انها خلتني ابتسم معهم من قلبي
رجعوا يسألونها بفرحة: كم يبني لنا الله قصر؟؟
قالت كثيرررررررررر ومايعلم كثرها إلا الله
قالت الحرمة يلا وش رايكم نقرأ من الحين الين نقوم من هنا...وانتم بالطريق رايحين ولا جايين اقرأوا
وكل مره تذكرتوا اقرأوا
وانا باسبقكم الحين ابي قصوري اكثر منكم
وقامت الحرمة تقرأ <<اسلوب تشجيع وتحفيز
البنات صاروا يرددون بلا شعور (( بسم الله الرحمن الرحيم "قل هو الله احد" الله الصمد" لم يلد و لم يولد" و لم يكن له كفوا احد"))
قامو ورجعوا جلسوا مكانهم حول امهم
الام تناظر فيهم وتبتسم
وتمدحهم وتقول شاطرات بناتي ايه كذا ابيكمعاد انا صاير قلبي يقرقع قرقعة ..بسرعة ابي اقول لبناتي نفس الكلام
عاد و حكيت لبناتي نفس كلام الحرمة للبنات..وعلى انها مسابقه
وكل وحده تذكر الثانية اذا نسينا عشان تاخذ اجر اللي تذكرها
ونفس الشي قاموا بناتي يرددونها بفرحه ..
وسبحان الله العظيم سالوني نفس السؤال: كم يبني الله لنا قصور؟؟
وانتي اذا حكيتي لعيالك راح يسألونك نفس السؤال..
سبحان الله يا اخواتي عيالنا فيهم خير بس يبيلهم من يذكرهم
الله يصلحهم ويهديهم
والله يسكنا واياكم قصور في جنات الفردوس
قولوا امين :27:
WIDTH=400 HEIGHT=350
احبكم في الله
:26:
دايما احس من قبل ما اقرأها انه فيها شيء مفيد
عساك عالقوة وشهر مبارك عليك وعلى بنياتك