شفتوا بعمركم رجيم فيه ورق عنب وكاكاو وكل شيء تحبونه فـــيــه وهــم يضعف ؟! حياكم

بسم الله الرحمن الرحيم :)
اول شيء ادري فيكم لاعت جبودكم من الرجيم بس شنسوى نبي تضعف نبي نلبس هدوم وتطلع حلوه علينا ..
انا ببدي بهذه الرجيم ان شالله يوم السبت اذا الله عطانا عمر ..
انا من ولدت وانا كل يوم باجر ابي ابدي رجيم والله كل يوم باجر .. واذا سويت ارجع البيت حدي دايخه وراسي يعورنى حتن مااقدر اسوق السياره ..

المهم شفت وحده من رفيجاتى وقلت لها قصتى .. انا ودي اضعف بس ابي رجيم ما يدوخ
عاد اهى قالت لى انها راحت حق دكتور تغذيه وكتب لها رجيم فيه كل شيء وتقول ماتحس بدوخه فيه والي يلتزم فيه حرفيا راح يضعف كيلو ونص بالاسبوع ..
يمكن في ناس يقولون الله شووووووووووووووويه
والله تضعفين بصحه ولا تضعفين انتى دايخه وصداع ..

الرجيم يتكووون من :

الفطور : (1)- 2 توست جبن او لبنه lowfat او بيضه
او مرتيدلا او تيركي من حليب نصف دسم
(2) 2-3 بسكوت ميري او شابوره مع حليب نصف دسم

الضحي : عصير اناناس او برتقال

الغداء : (1) - همبرجر \ ستيك \ دجاج \ سمك ===) طبعا كلهم مشوي + سلطه + لبن بالنعناع
(2) بطاط او معكرونيا ( بحجم علبه روب kdd ) + همبرجر + دايت بيبيسي او لبن بالنعناع
(3) صحن خضار مشكله + لبن بالنعناع + روب بالخيار مع نعناع ناشف
(4) نفس الخطوه الاولى بس مقلي ==) بس مره بالاسبوع تسوين هذي الخطوه او انج تاكلين 8 حبات ورق عنب

المغرب : حبة فاكهه او نسكافيه او حبه كاكاو صغييييييييييييييييييييييييييييييييييييييييره :42: مو تحطون كتكات بو اربع اصابع :26:

العشاء :
(1)- سيزر سلط \ او انج تاكلين سلطه يونانيه مع لبن بالنعناع
(2)-خضروات مشكله او سبطه لبن بالنعناع
(3)- همبرجر او هوت دوق 1-2 + سلطه + بيبسي دايت
(4)- نخي او باجلا او فاصوليا


قبل النوم :
تشربون ماء مرقدوش

شوفو اثناء هذه الرجيم كثروووو من شرب الماي وااااااااااااااااااااايد شربو
وان شالله تضعفون انا والله اليوم اخذته من رفيجتى قلت لازم احطه حق البنات علشان يستفيدون .. وانا ان شالله راح ابدي يوم السبت منو يبدي وياي وياااااااااااااااااااااااااارب نضعف

والله الرجيم كل شيء فيه .. منوع
وعن السيزر سلط تقدرين تشترين مالت ماكدونالدز يعنى عادي :icon28:

عطوني رايكم بالرجيم والى تحب تشاركنى فيه حياها الله ...

مع تحيات اختكم : بنت الكويت