شفتوا زوجي شو عمل في

السلام عليكم بنات كيف حالكم عساكم طيبين والله انا عندي مشكله وحابه اخذ رايكم فيها هدا يا بنات في اول سنه زواج لي استاجر زوجي شقه وعشنا فيها قريب السنه وخلال هاي السنه سافرنا للخارج وردينا نع العلم انا مغتربين المهم ردينا يا بنات كان رمضان وانا كنت حامل اهل زوجي كانوا بالاجازه وما ردوا كنت موجوده انا وزوجي وسلفي وسلفي الاخر اللي هو متزوج لكن زوجتوا ما اجت معاه وخلتوا يجي لحالوا وضلت هي عند اهلها طبعا علمكم كيف رمضان شغل وطبخ ونفخ وغلبه ولا عندك ناس عالفطور كل يوم اللي هم سلافي وانا والله حامل بالشهر الثامن وتعببببببببببانه كتير ولنا كان بامكاني اضل عند اهلي زي ما عملت سلفتي لكن فضلت اجي مع زوجي ما بدي اخليه برمضان لحالوا المهم ومرق رمضان وعدا علا خير والحمدلله بعد هيك زوجي قعد من الشغل واجت دفعه جديده لاجار البيت وكان متدايق كتير حكيتلوا خلص بنقعد عند اهلك شوي حتى للبه يفرجها والمصيبه اني انا اللي اقترحت كل فكري تضحيه المهم راحت الايام واجت الايام وطبعا انا وحماتي اللي بنطبخ بالبيت بس لما كنت ببيتي كان الوضع اريح يعني بدل ما اطبخ 2 صرت اطبخ لعشره بدل ما اشتغل 2 صرت اشتغل لعشره دايما حاطه اشار علا راسي لانوا سلافي مو متزوجين عايشين معنا بنفس البيت مع العلم انوا عايشين بغرفه وحده يعني الواحد حالتوا حاله لكن والله الوحده لو زوجها مقدر مش مشكله ولا كمان ما بفتح تمي عمري لا شكيت ولا حكيت ما بدي ادايق زوجي من ناحيه ومن ناحيه تانيه عشان نشتري بيت المهم مرت سنه واحنا عايشين مع اهل زوجي وبعدين انزلنا اجازه طبعا انزلنا عند اهلوا بنفس البيت بغرفه وانا ساكته وراضيه مع العلم ان ا سلفتي لما نزلت مع زوجها مره ما رضيت تنزل عند اهلوا بحكم انوا البيت ضيق واستاجروا شقه لكن انا راضيه وساكته وفي هاي الاجازه كنت مقرره انزل مع زوجي واوح مع زوجي يعني ما رح اضل بعدوا عند اهلي وانا يا بنات بدي اشوف اهلي يعني هي مره بالسنه الواحد بنزل اجازه وزوجي من النوع اللي اذا نزل اجازه يعني لازم يضل طالع مشاوير ومطاعم وشمات هوا وانا معوا طبعا لكن انا بد اشوف اهلي صرت اصحى بدري وامسك حالي واروح عند اهلي عشان بالليل نطلع وهو ما يزعل يعني بدي ارضي حالي وارضيه وياريت كان عاجبوا :angry2: المهم وروحنا من الاجازه وانا صار في نفس الاشي روحت مع زوجي وكانت الدنيا رمضان وكان عندي ولد وبنت وروح معنا سلفي مو متزوج وسلفي المتزوج وطبعا مرتوا عند اهلها وانا اللي لازم اطبخ وانظف واسويلهم فطور وكل اشي اخ بس الله بعين يعني تعرفوا انا من النوع اللي ممكن اجي علا حالي عشان زوجي كتير وهو مو مقدر المهم والله انا كتير مقهوره يعني تطلعوا انا كيف بعاملوا وشوفو كيف سلفتي بتعامل زوجها المهم مرت الايام فينا احنا متعودين انو كل يوم اربعا لازم نطلع نشم هوا نعشا ونتمشا الاربعا اللي فات اكان زوجي بالشغل صحيت بسئل ام زوجي بحكيلها شو نطبخ اليوم حكتلي زوجك قال بد اجيب غدا من برا انا حكيت بعقلي يعني بدنا نتغدا بره ونتعشا بره لا خليني اطبخ واعملوا مفاجاه وطبخت يا بنات طبخه صعبه وهلكت هلكان فيهاوانا عارفه انوا بحبها المهم رنيت عليه قبل ما يجي من الدوام وحكيتلوا لا تجيب اكل خلص طبخت وسالني شو طبختي حكيتلوا مفاجاه المهم اجا ومن اول ما جا وهو وهو معصب حطيت الاكل حكالي مين حكالكم تطبخوا انا ما بحبها هاي الطبخه حكيتلوا ما بتحبها حكى لا ما بحبها حكيتلوا خلص بتحبهاش ما تاكل وقام وهو زعلان ومعصب وانا والله كرهت حالي بعد كل هاد التعب وكل هاد اللي بسويه عشانه مش مبين في طبعا من وقتها ما نكلم بعض ابدا وهو بطلع وبدخل ولا كاني هون وانا نفس الاشي بالله عليكم شو رايكم مع العلم انوا زوجي مو سيء كتير يعني عمري ما قصر معي نهائيا ومنيح معي كتير وكل صيف بنسافر لكن يا بنات ما بقدر اي اشي ممكن اعملوا عشانوا