شفتوا شخص انفضح بين الناس بسبب مشاكل و ايش العبرة من الفضيحة؟

السلام عليكم
بنات أبى اسألكم ايش العبرة يوم الشخص ينفضح؟؟؟
هذي صديقتي كانت متزوجة و جابت ثلاثة و قبل طلاقها كانت عندها مشاكل و يعنفها و تعبت نفسيتها و صار عندها مثل الهلاوس و طليقها مسجل صوتها و للاسف كان كل كلامها عن تحرش و اغتصاب أن تعرضت للاغتصاب و كل اهلها تعرضوا للاغتصاب و غيره و تسمع صوت و ترد عليه يعني حتى التسجيل مو كامل و طليقها مدمن و ما كان زين و يوم طلقها و رجعت عند اهلها خلاها سنة بدون ورقة و ما كانت تدري ليش و اهلها ما يدرون ليش و طلع أهل طليقها و طليقها يمشون و يقذفون فيها و في خواتها و قائلين للكل أن يريد مهره لانها مو بنت قبل الزواج و المشكلة مو هنا المشكلة أن ناشرين التسجيل و يقولون راعية علاقات قبل الزواج و قاذفين في خواتها ممكن هي جابت الكلام لنفسها لكن خواتها مالهم ذنب و وحدة فيهم مش متزوجة و قالوا إنها نفس الشي و راعية علاقات و وحدة صغيرة صف سادس أشرت عليها وحدة من العجائز قالت ذه اللي لعبوا فيها و لا حد قالها عيب أو ايش ذا الكلام و هي يوم رجعت عند اهلها جتها فترة تعبت نفسيا و تقول عيالي تعرضوا للاغتصاب (بس ما كان في حد خبيث يسجل صوتها) و طول الوقت تدق على الشرطة تقول في حد اغتصب عيالي

و هو لو مثلا كان يسوي كذا عشان يشل العيال كان يقدر بكل سهولة للقاضي هذي عندها مرض الفصام و اتوقع القاضي بيعطيه العيال في نفس اليوم

و هي عندها تقرير طبي أن فيها فصام من ٥ دكاترة و كان فترة معينة ابدا ما تقدر تهتم بعيالها و كان ممكن ياخذ العيال بدون هذي السوالف

لكن اللحين أن يكون قذف خواتها هو و أهله و شوه سمعتهم و بعدين يأخذ عيالها هذا مرض

و حتى ام طليقها و خواته قاذفين فيها و في اختها لان رفضت ولدهم قبل و حتى اختهم الصغيرة متكلمين فيها

ف اريد اسأل ايش العبرة أن ينفضح الشخص بشي ما سواه ؟؟

و ايش التصرف الصحيح مع هذولا الناس؟؟