شفتوا يا بنات حواء حتى جروحي ما سلمت منهم

بسم الله الرحمن الرحيم





كيف حالكم بنات حواء العزيزات

يعلم الله قد حبي لكم واعتبركم مثل أخواتي

مشاء الله فيه منكم من الحكيمة وفيه المتفائلة واللي فيه من عندها خبرة وتجربه و فيه خفيفة الدم
وانا حبيت أفضفض لكم اللي في قلبي اللي أحس انه كاتم على نفسي

وصعبه أبوح فيه لأحد أنا كثير حذرة
كنت معلقة مع زوجي يعني ماني متزوجة ولا ني مطلقة فترة من الزمن والسبب اني كنت ابغي الطلاق
المهم تعالى اسمعي التعليق من أهله
ومواقف ماني قادرة انساة واغفر لهم من أمه وأبوه وبعض أخواته
طبعا كل ألوم علي والبلاوى فيني رغم أنهم عارفين إني مظلومة بس ماردي وش قصدهم في التجريح
ما حمدوا ربهم أني ساتره على ولدهم شفت منه البلاوي الله يخلف علي باالي أخير منة

يرفع راسي ويؤثرني عليهم ويشوفوا أني في عز ومعزه قولوا آمين يابنات ونساء حوا يأرب استجب أمنيتي زوج صالح تقي نقي وجميع بنات المسلمين

فرحانين بولدهم منشان
انه جميل كفوهم الله يستر علية ويفتح في قلبه

والله شفت منة نجوم الليل بعز النهار تخيلوا



أبوه يقول لي مافيك خير لو فيك خير صبرتي مع زوجك



وأمة تقول أنتي مدلعة وأنتي ما أنتي راعية بيت ووووووووو
واختة يوم سلمت على ولدي عمرة سنة قالت ياخسارت أبوك وأمك عليك ما يستهلونك

طيب أنا أش ذنبي أنا ضحية
بالله اسلئكن بالله أش رأيكم
كل وحدة تقرءا موضوعي تقول رأيها




شوا اصبر على وحد لا يصوم ولا يصلي ويجيه حالة يصير شبة مجنون
على فكرة آنا ماعلمت احد انه مايصوم والله استحي لما أتذكر ماني قادة اصدق أن فيه إنسان طبيعي قادر على الصيام مايصوم الاوحدة من أخواته....... قالت: لا تقولي لأحد
قلت من غير ماتقولي
أنا أستحي مجرد ما أ تذكر هدا الموقف فقط



يعني توقعوا انه احتما ل يقتل من غير مايشعر
ويتصور أني أخونة وما عرف كيف أتفاهم معاة


مرة مد يدة علي إلى أن شوه وجهي والله اللي يشوفني مايعرفني
عيني اختفت وجهي صار ازرق كله كدمات وجسمي كله اثر ضرب
ورقبتي أثار الخنق يعني خنقني حتى شفت الموت ولولا لطف ربي ألان أنا في عداد الموت
من غير ذنب سويت واهووا ما كان مستوعب بعد ما صحي شفت الندم في عيونه وتصرفاته من غير شعور

وذهب بي إلى المستشفى يقول لدكتور طاحت من السلم والدكتور قال لا هذا اثأر ضرب قال لا دكتور اسألها


تخيلوا على قد ما فرح بحملي يقول بوديك المستشفى اتاكد أن اللي بطنك ابني
جاب لي عقدة بحياتي
يجيه أوقات هستريه ويسمع أصوات ويشوف أشياء تصيبه حالة بعدين أذا صحي منها يقول أنتي كذابة أنا مااسوي كذا وأشياء



من غير الحيل اللي سواها لي والكذب وووووووووووو
أكيد بتقولوا هذا إنسان مريض اهو فعلا مريض والسبب الحبوب المخدرات ألعبت بعقله
يعني ماتبين على الشخص مايكتشفة ألا الإنسان اللي يعيش معه
يعني مايبين وما يكتشفه إلا إلي خبير بهذي الامور


وهو مرة يصير طيب رومانسي وكل طيبة العالم فيه وعشر مرات يصير عدواني وشرس

يمكن تقولوا خلاص الحمد لله افتكيتي منه أقول طيب ونفسيتي وثقتي بنفسي وبالناس وين أوديها أحس سبب لي عقدة بحياتي
رغم أني قبل كنت بيت أهلي الكل يحترمني ومدللة نوع ما
أهي مجرد فضفضة واطلع أشحنات الي بقلبي اه يازمن
بعض الأحيان يجيني اكتأب اكره كل شي والحمد لله مايطول بس أحس الدنيا سوادا بعيني


وهاذي الصور والمواقف ماني قادرة أنساها خصوصا عند النوم


تارك اثر في حياتي كل ما أتذكر أحس بشعور غريب وارحم نفسي
يعني مجروحة والجرح ماراضي يلتئم
تصدقوا إني فقدت الثقة في الرجال أحس كلهم مثله

والله إني ما أبالغ في أي كلمة ممكن أني نقصت مازدت




وأسفه أني طولت عليكم
واللي عندها تجربه مثلي ياليت تفضفض لي لان مايحس بالنار إلا وجل واطيها