شفت أخو زوجي يفتش في شبك الغسيل حقي؟

يابناااااااااااااااااااااااااااااااااااااات والله جتني روعه وماعرفت شسوي..
رحت لغرفة الكوي لقيت اخو زوجي اللي ماتزوج يفتش بشبك الغسيل حقي مدري ليييييه؟؟؟
أنا تفاجأت ورجعت على ورا.. وطلعت بشويش مدري حس فيني او لا
ورجعت بعد شوي ولقيته مو موجود..
بنات والله مادري شسوي مررره أقول يمكن مضيع شي له توقع انه يلقاه مع أغراض أخوه لان شبكنا حق الغسيل مميز والكل يعرف انه حقي انا وزوجي

يمكن هذا قصده بس ليييييييش يفتش حتى لو مستعجل ويبغى هالشي بسرعه
فيه ملابسي الداخليه وقمصان النوم تخيلوا يطالعها ويشوف أغراضي الخاصه انا مارضى ان خالتي تشوفها او اخت زوجي مو عاد أخوه


على الأقل كان أرسل خالتي تفتش في أغراضي مو هو.. وخالتي بعد كانت قريبه من المكان



مره اقول ليش اكبر السالفه ومره ثانيه لما اتخيل انه شاف اغراضي الخاصه وملابسي اكرهه ونفسي اسأله ليه هو يفتش فيها
أخاف انه متعود على كذا

والولد هذا بالذات انا من تزوجت وانا مارتحت له لانه راعي بنات وخرابيط وقليل ادب وراعي تلميح بالكلام ودايم يرمي بالكلام غير اطباع اخوانه اللي يستحون بزياده ويحترموني زي ما انا احترمهم واستحي منهم كثير وعمري ماتكلمت بوجود أحد من اخوان زوجي ورغم ذلك هو يمون بزياده اللي يشوف اسلوبه يقول اني شايله الحواجز اللي بيننا انا وياه بالمره

نفسي اجيب غساله عندي بس مافي مكان.. حمامي وانتم بكرامه صغير وعندي غرفتين بس غرفة نوم والغرفه الثانيه مو كبيره ومزحومه
حتى اريح روحي

شو رايكم اقول لزوجي عن تصرف اخوه او لا