امس وانا اسولف بالتليفون الثابت الا يجيني مسج على جوالي يوم شفت الرقم صرت احك عيني مو مصدقه على طول قفلت من صديقتي حتى ماقلت لها مع السلامه من الفرحه مو مصدقه تخيلو من منو هالمسج من طليقي وابو بناتي يوم افتح واقراه الا كاتب لي انه يبي يكلم بنته لان عمرها قرابه 3 سنوات والله يابنات ان قلبي تقطع من الفرحه وصرت اشكر ربي انه حن اخيرا على بناته لانه ماكان يدري عنهم بس نطرت طول امس ومادق ان شاء الله اليوم يدق ويكلمها ...
والله يابنات ان بنتي الكبيره تعبت وصرت احوس فيها بين المستشفيات مو عارفين شنو فيها ماصارت تاكل ولاتشرب ابد ووصله هالكلام لاجاء يشوفها ولادق يسال عنها بس امس بغيت اطير من الفرحه انه فكر فيهم لانه قرابه السنه ماشافهم ولا كلمهم بنتي الصغيره شافها بعد الولاده مره وحده يوم عمرها 4 شهور وبعدها ماشافها ...
كنت اتعذب يوميا يوم تسال ماما ابي بابا ويوم اشوف عيال خواتي مع اباءهم يلعبونهم ويشيلونهم وبنتي الكبيره تناظر فيهم او اروح السوق وتقعد تناظر بالاطفال وكل واحد مع امه وابوه ...
والله يوم وديتها للملاهي علشان العبها وركبتها القطار مع اطفال جايين مع ابوهم وكل مالف القطار ومر من عند ابوهم يقومون يمدون ايدينهم لابوهم علشان يمسكون يده قامت بنتي تسوي مثلهم هو مسكين رفع ايده وقتها مدت بنتي يدها كانت تبي تسوي مثل عياله والله لو شفتو نظرتها هذاك اليوم كنت اتمنى اموت ولااشوف هذيك النظره منها يوم نزلت من القطار قالت ماما وين بابا والله كنت امشي واصيح وقلبي يتقطع عليها لانها يتيمه وابوها عايش ...
انتم خواتي علشان كذا شكيت وفضفت لكم اللي بداخلي وابي منكم هالخدمه الدعوه بظهر الغيب مستجابه ادعولي ولبناتي ان ربي يرده نادم ويلم شملنا عاجلا غير اجل ولا يتم زواجه لان زواجه بشهر 12 ويرجع لنا ياكريم يارب انت الوحيد القادر على ذلك ياسميع الدعاء
حبيبة نادر @hbyb_nadr
محررة
يلزم عليك تسجيل الدخول أولًا لكتابة تعليق.
أم جنو
•
الله يحفظ لهم ابوهم ويحنن قلبه عليهم
ويارب تجمع شملكم اذا كان فيه خير لكم وتصرفه اذا كان فيه شر لكم
أخيتي عليك بالدعـــــاااااء في جوف الليل..
ويارب تجمع شملكم اذا كان فيه خير لكم وتصرفه اذا كان فيه شر لكم
أخيتي عليك بالدعـــــاااااء في جوف الليل..
الصفحة الأخيرة
ويجمعكم فيه عآجلآ غير آجلآ ياحي ياقيوم