شفت خطيبي ومحتاره

السلام عليكم

كيفكم يابنات ..

الصراحه ما سجلت بالموقع الا اني ابي افضفض لكم شوي ..

اول كنت يوميا ادخل المنتدى واقرا ماتوقعت بيوم انه راح اجي واكتب مشكلتي هنا ..

طبعا كل بنت مننا تحلم بخطيب وزوج وتتخيل شكله باحلامها ومن هالكلام ..

انا الحمدلله جاني خطيب فيه كل ما اتمنى لكن ..

عمره 25 وانا 20

طبعا هو طويل ووسيم جدا .. وظيفته ممتازه منصبه كويس راتبه عالي

اهله وسمعته محترمه .. بس

ما ادري يمكن تقولون اني طفله او سخيفه ..

لكن الصدق يوم شفته بالنظرة مدري

جميل وكذا لكن ماله لحية ولاشنب او شنب خفيف ..

مدري احس شكله طالع صغير يعني اخاف بكرا امشي انا وياه يحسبونه اخوي الصغير ..

والله اخاف انحرج بكرا من هالشي ..

يعني انا احب الرجل الي مسوي عوارض او سكسوكه

انا ارتحت له مرره الا من هالموضوع ..

وش رايكم .