بسم الله الرحمن الرحيم
خواتي ...
كثير من الاخوات لاحظت هنا في المنتدى شافت بنات في السوق متبرجات
والا طالعات مطعم مع صديقاتهم ومسوين ازعاج في الدنيا والا مع صديقها والا بويه والا.....والا....
او في العروس كاشفات اكثر مما هم ساترات
وغيرها
ويجون العضوات ومن حبهم لبنات المسلمين يكتبون هنا في المنتدى واعتقد ان هدفهم يوعون الامهات الغافلات عن بناتهم
عشان يهتمون فيهم وماعاد يلبسون هالاشياء يهتمون فيهم اكثر صح !!!
وبعض الاحيان القى من تتحسب على امها عشانها مطلعتها بهالشكل والا اللي تتحسب على البنت نفسها
وغيرها وغيرها من المواضيع اللي نشوفها ((ومو للبنات بس حتى الاولاد واصدقاء السوء وحركات الشباب وغيرها ))
لكن ياحبيباتي حنا نقول :
حنا مستترات والحمد لله
ومستحييييييييييييييل نسوي مثلهم مستحيل!
خواتي
مافكرنا بيوم ان احد بناتنا او خواتنا او اولادنا واخوانا
مثلهم
وحنا عادي بنتنا او اختنا او اخونا يكون بهالشكل!
او حنا انفسنا بنكون مثلهم !!
ليش لا !
وقلوبنا بين اصبعين من اصابع الله يقلبها كيف يشاء
وكم من عابد صالح اصبح فاجر فاسق
وكم من امراءة صالحه مستتره رأيناها بعد ذلك متبرجه
وكم من عالم تقي خرج من ذريته فاسق عاصي
كل هالعينات مرو علينا حتى في التاريخ صح والا لا
فعشان كذا يااخواتي انصحكم بقول النبي صلى الله عليه وسلم
عَنْ عُمَرَ بْنِ الْخَطَّابِ رَضِيَ الله عَنْهُ، أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ: "مَنْ رَأَى صَاحِبَ بَلَاءٍ فَقَالَ الْحَمْدُ لِلَّهِ الَّذِي عَافَانِي مِمَّا ابْتَلَاكَ بِهِ وَفَضَّلَنِي عَلَى كَثِيرٍ مِمَّنْ خَلَقَ تَفْضِيلًا إِلَّا عُوفِيَ مِنْ ذَلِكَ الْبَلَاءِ كَائِنًا مَا كَانَ مَا عَاشَ". أخرجه الترمذي
والبنات اللي نشوفهم ربي باليهم ليش نتكلم عنهم بهالشكل
يمكن كانت اتقى لله من اي مسلمه اخرى وربي بلاها
ويمكن كانت تتكلم في البنات اللي متبرجات وربي بلاها
ويمكن امها كانت تضحك على هالتربيه وربي بلاها في ذريتها
ويمكن.ويمكن ..
صحيح ان عليها ذنب وحنا ماننكر<<عشان ماتجي وحده وتقول خلاص باسوي ذنوب واقول بلوى !!ترى ذالعقليات موجوده
الحمد لله الذي عافانا مما ابتلاهم به وفضلنا على كثير ممن خلق تفضيلا
لكن الله ابتلاهم وفضلنا عليهم <<شفتو كيف ربنا كريم
خواتي والله من حبي لكم ولبناتكم وبنات المسلمين نصحتكم بهالنصيحه اللي كثيييييير غافل عنها ..
يلا كلنا من اليوم ورايح كل مانشوف انسان او انسانه
مبتلى او مبتلاه
نقول : الحمد لله الذي عافانا مما ابتلاهم به وفضلنا على كثير ممن خلق تفضيلا
وعلموها اولادكم وقولوها دائما لاتنسوها <<قولوها في انفسكم طبعا !!
او حطوها في تواقيعكم وهذا كله لمصلحتكم عشان تتذكرونها
معليش اعذروني على الاسلوب اللي ماادري وش يبي
بس والله من حبي لكم
ان اصبت فمن الله وان اخطأت فمن نفسي والشيطان
والسلام عليكم ورحمة الله وبركاته
اختكم دينوm:27:
دينوM @dynom
محررة
يلزم عليك تسجيل الدخول أولًا لكتابة تعليق.
الصفحة الأخيرة
ويعفو عنا وعنهم يارب