أنين الشوق ** :

لاحول ولاقوة إلا بالله .. جسمي قشعر ,, مدري اش اقولك .. قبل الحل يا الغلا , إحنا محتاجين توعوية في الموضوع طالما إن الحادثة صارت على أرض الواقع .. وراح أقول إلي عندي لي وللجميع , عشان ننتبه ونفووووق ونستفيد ... البنات أعمارهم صغيرة سواءً هم أو غيرهم .. لازم نعي إن الطفل لايملك دوافع جنسية أبداً ... س ) طيب بنقول أجل من وين جته هالأفكار ..؟ ج ) من الكبار , من المحيط إلي حوله , من لقطة ع التلفزيون , من سلوك علمته هو الخادمة وأعجبه أو من شي ثاني مجهول .. الطفل لما يتصرف هالتصرف فهو يتصرفه ببراءة مو مثل الكبار يشعر بالمتعة واللذة , واسمحيلي فيها بس الموقف ما يتحمل غموض .. الأطفال في هالعمر ولما يوصلوا لهذي المرحلة فمعناته إنهم يعيشون في بيئة سيئة ما أقصد بسيئة إنها منحرفة ..لا أبداً .. أقصد إنها من ناحية الثقافة التربوية , والإجتماعية , والدنيية معدومة .. وإن كانت الأم عاقلة وفاهمة بس هذا ما يمنع وجود الخطأ ووقوعه .. لأنه يمكن حصرت عقلها وفهمها على نفسها وما وصلته لأطفالها .. فكيف بالأم إلي مو فااااهمة ...؟! تربية الأطفال وتأسييهم على الصح يبغالها عناية وعناية فائقة .. من المسؤول الحين ...؟ الأم لو قالت أنا مسؤولة عن هذا الخطأ .. فهنا نعرف إنه فيه أمل الأطفال يتعدلوا إن شاء الله .. بس الأم إلي تبرر لنفسها وترمي اللوم للي حولها وع المجتمع وووو .. فهذي اغسلي إيديك منها ولا تتعبين حالك وتنصحينها لأنها إذا عالجت الخطأ مرة راح يتكرر مرة ومرة .. الأطفال يبون رعااااية ... رعااااية .. اش معنى رعاية ...؟ رعاية حماية , رعاية عناية , رعاية مراقبة , رعاية دراسة حالة , الرعاية كلمة شاملة لكل مصحطلحات التربية .. ولما يقول الرسول صلى الله عليه وسلم : كلكم راع وكلكم مسؤول عن رعيته معناته إن الرعاية أوسع من المعنى إلي أحنا فاهمينه ... مو مقتصرة على اكل ولا لبس ولا صحة .. الرعاية دقيقة ومتعمقة في تفاصيل الطفل النفسية جدا جدا , وإلي الكثير مهملها .. طيب والحل يا عسل .. اولاً .. كونك أخذت أولادك وابعدتيهم فهنا تصرفك صح الصح .. وبرضوا دامك تفكرين تنصحين الأم برااافو عليك .. لابد للأم وأن تكثف المراقبة على أطفالها .. وتشرف عليهم بنفسها مو خدامة ولا أخت كبيرة .. تروح المدرسة لو يروحوا روضة وتشوف مين يصادقون ...؟ ولو ما يروحوا ع الروضة توديهم ما تأخرهم .. تعتني بالبرامج إلي يشوفوها ..ما تخلي عندهم وقت فراااغ أبداً .. تشغلهم باللعب المفيد , بالهوايات , بأي شيء , أي شيء .. المهم إنهم ينسون هالعادة معاهـ , ويفكرون في غيرها .. ماتتركهم لحالهم وقت اللعب ولا وقت النوم برضوا تفضل رايحة جاية عليهم لين ماتتطمن إنهم ناموا .. وقبل النوم ضروري بعد المعوذات تقرأ لهم قصص عن أخلاق أطفال المسلمين وكيف يدخلوا الجنة ومن هالنوع بأسلوب محبب يشعروا معه إنها خايفة عليهم بدون ما تخوفهم .. التخويف والعنف والتهديد والنصايح للطفل هنا كله ماينفع .. المفروض على الأم الحين تبادر بالتدخل التربوي وليس العكسري .. هذا الي حضرني الحين ولو إني كنت مرتبة كم فكرة في راسي ع اساس بنزلها موضوع بس طاروا .. والي لحقت عليه كتبته .. جزاكِ الله خير على حبك للخير وللنصيحة الطيبة .. والله يوفقك يارب ..

لاحول ولاقوة إلا بالله .. جسمي قشعر ,, مدري اش اقولك .. قبل الحل يا الغلا , إحنا محتاجين توعوية...