شفت صورتة و بكيت !!!

السلام عليكم


بنات مشكلتي كبيرة والله تعبت
اسالكم بالله اللي ماعندها رد لا تجي و تستهزىء لان فعلاً تعبانه والله .


بنات انا اخوي كان يبي بنت عمي خلاص
و احنا علاقتنا كويسة بس جت فترة صارت بين العائلتين خلافات
اللي صار امي و قفت في وجه اخوي و قالت ان خذتها والله ما احضر زواجك !!!
وقامت تسب في البنت وامها و اخوي خطب غيرها و الحين هو مملك
و البنت تملكت بعده بشهر
وانا نفسها كنت محجوزة لاخوها و كانت كل احلامي بالمنام انه هو اللي بصير من نصيبي
هذا الكلام قبل كم سنة الحين اخوي و بنت عمي مملكين
و هالفترة اذ صار زواج من جهتهم امي ماتخليني اروح
واذ صار وحضرنا خواتها يصدون عني بس اللي كان اخوي يبيها هي لان كنا ندرس سوى وتعرفني زين وتسلم وعلاقتي هي بس فيها كويسة
بس كنت اسلم يعني ابدي انا
والله مالي ذنب بكل اللي صار حتى امي يوم تبي تخطب لاخوي قلت والله ماتلقين مثلها وقلت هي احسنهم
المهم انا بعد ما كنت متعلقة بولد عمي مع المشاكل كلها غسلت يدي والله بس كنت لازلت اوصل هالعائلة


انا انخطبت الحمد لله وكنت شايلته من بالي و استخرت باللي متقدم لي ووافقت بس ماحسيت بشهور معاه وقالو الحب يجي مع الوقت 😥
لي 6 شهور منملكة


كنت نايمة اليوم وحلمت ب اللي كنت محجوزة له فيه جاينا بالمجلس
وصحيت ورحت الصالة و كنت اتصفح بالانستا و شفت صورة اللي كنت محجوزة له بالاكسبلور لاني ضايفة اخوي وطلعت صورته عندي وبكييييييت و رجع لي كل احساس كنت اتجاهلة 😭😭 وامي شافتني وجت تسمي علي وتجيب لي من الماء المقري


وش اسوي والله مو بيدي ادعو لي ان الله يبعد كل شعور اكنه له والله ما تمنيت يصير لي
يمكن انه بسبب امي لانه بنت عمي كانت تبي اخوي بس والله مالي ذنب لاني ما كنت راضية