هلا عزيزتي

اتصدقين انا اللي محيرني بموضوعك
انه شلون توصل فيه الجرائه انه يحط صورتها في بوكه ؟؟؟؟؟
شي غريب
اسمحيلي اقولك انه غبي لاتزعلين
اكو واحد متزوج يكلم ويحط صورة اللي يكلمها بالبوك
انا لو منك كان اخذت صوره البنت من غير ماأقوله
لمن هو يعترف
حاولي تصلحين الامور وتردين له مالك غير زوجك
وان شاء الله تحملين والله يهدي زوجك ياااااااارب
والسموحه لاتزعلييييييييييييييين

تقبلي تحياتي وقبلاتي اختك
آلاء

انا رحت البيت بس ماكلمه ولا هو كلمني بعد بس احس فيه يطلعني
وبنشوف آخرتها
مشكورات يالغاليات والله كلامكم بلسم
آلاء
بيني وبينج
من عرفته وهو غبي عشان جذي بسهوله ينفضخ
ادعوا لي

اختي الغاليه مراوي اتمنى انج تعتبريني اخت لج وانا الصراحه اول مره ادخل منتدى عالم حواء واكتب وكان اول قصه قريتها قصتج ....
شوفي هذا زوجج مالج بد منه لاتخطين خطوه يمكن عقب تخسرين خل نعتبر ان كلامه كان صج وان هذي لقاها فسيارة واحد وهو ارتبك لان ماكان متوقع انج تشوفينها وانج تشكين فيه لاتخسرين زوجج لأمور بسيطه أخذي عبره من اللي أزواجهم يضربونهم وغيره شوفي زوجج يشرب الخمر ياخذ مخدرات بأي نوع هل يضربج هل هو مقصر في حق من حقوقه معاج
مراوي في هالزمن صعب تحصلين شخص كامل
حتى انتي يامراوي انسانه فيج امور غير كامله كلنا نعرف ان الكامل الله
شوفي مراوي متى يلجأ الريال المتزوج ليتعرف على وحده غير زوجته إذا كان ينتظر شي من زوجته ماقاعده تعطيه مثل كلام الحب والغزل والأهتمام وبعض الأمور في العلاقة الجنسية بين الزوجين وغيرها
مراوي مهما كان زوجج يحبج وجايز انه ما أتصلج لانه ماكان متوقع انج تشكين فيه لان الريال في هالأمور فيها تقليل لشأنه
لاتستعجلين عذراً لأراء بعض البنات واحترامي لهم بس أكثر الفراق بين الزوجين سببها ان المرأه تاخذ برأي صديقاتها
حتى لو ماكنتي مقصره معاه لاتستعجلين في اتخاذ قرارج
اولاً انتي أخطأتي لما نبشتي فبوكه وتلفونه هذي فيها خصوصيات خل نعتبر ان حصلتي رقم بتلفونه وكان رقم بنت تبي تبيع سيارتها مثلاً انا مره عرضت سيارتي للبيع وكنت اتصل بصاحب المعرض تخيلي انج خذتي رقم البنت من تلفونه واتصلتي وكلمتج ودخل الشك ان هذي صاحبة الصوره تخيلي الموقف اللي بتحطين زوجج فيه لو انج تهاوشتي او غلطتي فشرف البنت هذي وشنو موقف زوجج شوفي شلون الموقف صبياني
يامراوي اعتبريني أختج العوده وأخذي بنصيحتي ولمي زوجج وحافضي عليه لأن لوانفصلتي هو بيحصل بدالج بس بمجتمعنا المطلقه ينظر لها بنظره غير حلوه
مراوي كبري عقلج
اذا كنتي تحبين زوجج لاتفرطين فيه لاتفتحين مجال لوحده تاخذ مكانج وبيتج وزوجج لأن الديره فيها بنات وايد ينتظرون فرصه من اي ريال
اتمنالج الهدايه والروايه في اتخاذ القرار وعدم الأستعجال
سوري اذا ماكان يعجبج ردي بس المرأه العاقله هذي تصرفها
باقولج قصة وحده بإختصار رجعت لبيتها قبل إنتهاء الدوام للشغل وفتحت الباب شافت زوجها مع الخادمه على فراشها ظهرت من البيت وعقب ايام قالت لزوجها ان فحوصات الخادمه ظهرت وطلع فيها الإيدز ولازم نسفرها بسرعه وسفروها وعقب الزوج امتنع لاينام مع زوجته لمده طويله
لي ماهي اعترفت له ماأعترفت لأن هي تبي تعترف بس لأن تبي زوجها لها ويرجع يمارس حقوقه معاها
شوفي شلون تصرفت برويه وشوفي المرأه اللي حابه زوجها شلون تتصرف بالرغم انها شافته بعينها اما إنتي فصوره وشاكه اعتبريها نفس ماقلتلج ان فعلاً مثل ماقالج لوخسرتيه شنو موقفج يامراوي

كلام نواره عين العقل

مراوي تحملي بزوجك وغفري وسامحي وفوتي عشان المركب تمشي

ولاتخطين اي خطوه تندين عليها العمر كله

ترا الزوج الصالح في هالزمن الاغبر نعمه ماتعرف قيمة هالنعمه الا المحرومه منها

حافظي علي بيتج وصالحي زوجك ودخلي الفرحه عقب هالزعليه بينكم ولاتخلين

الزعل يطول بينكم اكثر من جذي

وحبيبتي باقولج لج امر جدا مهم من اخت لج لها خبره في الحياه اكثر منج

خدمي زوجك وتفاني في خدمته وخلي اخلاصج له وخدمتج طاعه لله تعالي

وكل اعمالج جعليها لله حتي لاتقولين سويت وفعلت وهذا جزاتي

لا حبيبتي الانسان اللي ايسوي العمل اي كان طاعه لله ينتظر الاجر من رب العباد

وعليج بالدعاء وصدقيني بتلقين راحه مابعدها راحه

والله يسخر لج زوجك كما تحبين ويجعلك اجمل النساء في عينه

ويرزقك بالذريه الصالحه

واذا احتجتي اي شي عزيزتي انا حاضره

تمنياتي لج بالتوفيق

يالله توكلي علي الله وروحي صالحي زوجك

وتذكري هالحديث وخلي دائما جدام عينج

عن ابن عباس رضي الله عنه (نساؤكم من أهل الجنة :الودود،الولود، العؤود على زوجها,التي إذا غضب جاءت حتى تضع يدها في يد زوجها ثم تقول :لا أذوق غمضا حتى ترضى).

مشكورات حبيباتي
يزاكم الله خير
اختي نواره رديت عليج في الخاص
shmoo انا الحمدلله تصالحت معاه عشان مثل ماقلتي السفينه تمشي
الحمدلله على كل حال
مشكوره على دعواتج يالغاليه
الله ينولج مرادج