شفت صور اباحية في جهاز زوجي الملتزم..../اكتفى من الردود

السلام عليكم ورحمة الله وبركاته

اخواتي بما انه لم يتم نقل موضوعي فأنا راح اقول القصة من جديد لان الكل دخل ورد والموضوع مو موجود
المهم اخواتي قبل سنتين شفت صور خالعة في جهاز زوجي وانصدمت بشدة لاني اعرفه زين قايم بكل واجباته الدينية وحتى انه مايحب يشوف التلفزيون او يسمع الاغاني
وحتى اصدقائه اغلبهم دينين وحتى انه كثير ماينصحني ويقولي هذا حرام وهذا مايجوز وكنت مرتاحة جدا معه بس بعد اللي شفته ماعاد صرت اثق فيه لدرجة ان الشك بدا يتغلغل فيني يعني لما اروح لاهلي او اي مناسبة الشيطان يجلس يوسوس فيني احس انه راح يخوني مع انه له فترة طويلة ماينام عندي في الغرفة دائما ينام في المجلس وطول وقته على النت ولما افاتحه في موضوع الهجر ولوجوده في مكان وانا في مكان على طول يعصب حتى لو كلمته بلطف وهالشي صار له سنوات وتعود عليه ماعاد اقدر عليه
والمشكلة الثانية مصروفي انا واولادي مايعطيني اياه الا اذا كانت في مناسبة كبيرة مثل الاعياد وغيره من جد صاير بخيل ولما نبغى نطلع انا واولاده نبغى نتمشى ونتفسح
زينا زي غيرنا يصرخ في وجه الكل ويقول مافي طلعات اجلسوا في بيتكم ومعاملته معي جدا قاسية ولما اتكلم معه في اي موضوع مايحب يسمع سواليفي والله حتى لو انها سواليف عادية على طول يقاطعني ويتأفأف ويصير يتململ من طريقة كلامي وربي لدرجة ان اصبحت ماعاد احب اكلمه ولما يشوفني ساكته يقول ليش ساكته ولما ابتسم في
وجهه يدور على اي شي عشان اتضايق واروح عن وجهه لكن معاملته مع اهله والناس مرة مختلفة ولما اي احد يتكلم معه يستمع وباصغاء وانا انحرق من داخل
والله العظيم ويحب يحرجني عند اي كان ينبسط لما يشوفني منحرجة ومتضايقة
بالله في انسان زي هذا يسوي كذا بزوجته مع اني طيبة معه لابعد الحدود وقايمه بكل واجباتي الزوجية وما قصرت معه حتى الكلام الحلو اسمعه له بس هو مايبغى ويقول فارقي
عن وجهي بلا نفاق والله حتى لما البس واتكشخ له واقوله وش رايك فيني يقولي يالله هناك غيري ملابسك اقسم بالله ان كل الناس اللي يشوفوني يمدحون شكلي ولبسي ومكياجي ودائما يقولون علي انت انيقة وشيك مرة وهو ولا فكر
والله ماادري ايش اسوي معه دلوني على حل تكفووووووووووووووووووووووووون الرجال كل مرة يتمادى وتطلع منه تصرفات جديده اخرتها اسمع شعر جنسي في جواله