السلام عليكم ورحمة الله وبركاته
كيفكم يا احلا حوائيات
اليوم الصباح وانا متوجهة للدوام مريت احد الأحياء الي مستواها متوسط فيها خباز يسوي خبز ياخذ العقل شفت رجال تقريبا عمرة فالأربعينات تكرمون يفتش الزبالة وياخذ باقي الأكل انا انصدمت افتكرته فاقد عقلة قلت لزوجي وقف اسأله يوم وقفنا كان يبي يهرب وفي يده كيس فيه بواقي اكل ومعلبات آآآآآآآآآآه ياقلبي قام زوجي عطاه فلوس وقاله وين ساكن قام يبكي وقال والله العلي العظيم عشان عيالي ذبحهم الجوع ذبحهم الجوع وتغير صوته وراااااااااح انصدمت وبكيت فالسعودية كذا معقولة لاحول ولاقوة الابالله احنا بنعمة كبيرة من ربي نسأل الله العلي العظيم انه يديمها علينا ونصيحة لكم اذا عندكم باقي اكل لاترمونه اعطوه للجمعيات الخيرية واذا كان قليل اعطوه العاملين الي فالشوارع انتبهوا من التبذير والحمد لله على كل حال
حبيت انقل لكم الي شفته عشان تستفيدون تكفون ادعوا لي بالجنه ولجميع المسلمين اللهم آمين
نجمة 2020 @ngm_2020
عضوة
يلزم عليك تسجيل الدخول أولًا لكتابة تعليق.
يمكن يااختي الي شفتيه ماهو سعودي يمكن من المخالفين او مريض نفسي انا ماقولك ان السعوديه مافيه فقر الا فيها بس ماهو لدرجة الزبايل الله يكرمكم
لاحول ولا قوة إلا بالله العلي العظيم ؟؟؟؟؟؟؟
اللهم الطف بعبادك وارزقهم .. واهدالمسرفين والمبذرين منهم ..
الله يرزقه من أوسع أبوابه
الأيام ذي الشبعان يغطي على الجيعان وما تدري عن أحد...
اللهم أرزقنا من فضلك الكريم,,,
الأيام ذي الشبعان يغطي على الجيعان وما تدري عن أحد...
اللهم أرزقنا من فضلك الكريم,,,
الصفحة الأخيرة
الله يرزقه الرزق الحلال الطيب
ويجزاكم كل خير