شفط الدهون

انا ما احب شفط الدهووون تخووف


استخدمي الرجيمات والرياضه وان شاءلله بينزل وزنك

نزلي وزنج اول شي بعدين فكري بالشفط, الشفط يكمل الجسم المتناسق او المتوسط ما راح يغير اذا عندج سمنه زايده, حرام تضيعين فلوسج و تتحملين الالم على تغيير طفيف ..
ابتعدني عن الحلول الجراحيه و جربي الرجيم و الرياضه, طبيعيه زيادة الوزن بعد الولاده بس اهم شي تنتبهين..

حبيبتي اول شي نزلي وزنك الين يقرب من المثالي بعدين الزوايد تعمليلها شفط

واذا انتي من جده عندك دكتور باسم اوان في الاطباء المتحدون مرة ممتاز

اختي .......اسمعي مني
انا هالاسبوع رحت لعياده خاصه ...من شده الطفش من شكل جسمي... كنت مقرره اسوي عمليه شفط دهون لمنطقه الظهر والجنوب وشد ترهلات منطقه البطن......طبعا عياده ببريطانيا .....قلت ناس عندهم خبره ومهاره وباطلع من تحت يدهم عارضه ازياء ......والخساره هي الخساره هنا والا هناك....

طبعا .....كنت متشجعه موووووت وانا رايحه لهم
طبعا اخذو بياناتي ومعلوماتي ووضحو لي السعر وشخصو الوضع كامل .......وانا ما زلت متحمسه
بعدين بدا يذكر لي سلبيات العمليه.....اقسم بالله العظيم اني خفت لدرجه اني حسيت قلبي يدق ......وحسيت ان ربي بيعاقبني باحد هذي السلبيات لاني باحط مبلغ كبير من الفلوس في شي مظهري ....بينما ناس ميته من الجوع
من اهم السلبيات اللي ذكرها حصولنزيف داخلي مما يستدعي اعادة العمليه ....سوائل تحت الجلد تبقى تتسرب من فتحات الشفط .....كذلك صديد اسفل البطن ....كذلك طعجات بالجلد يعني زي المطبات بالظهر والجنوب نتيجه الشفط ....كذلك حدوث ما يسمى باذن الكلب وهو ثنيه بطرفي خياطه الجرح تشبه اذن الكلب وطبعا تستدعي عمليه اضافيه لتعديلها ......كذلك تمزق في جلد البطن نتيجه الشد

والاهم من هذا كله انه بمجرد تركك للمشد الذي تلبسينه بعد العمليه سوف يعود جسمك الى وضعه الطبيعي اي يرجع يسمن وتتراكم الدهون مره ثانيه اذا ما اتبعتي حميه دائمه وتمارين رياضيه مستمره.

ولا تنسين الالم اللي بيرافقك لمده 10 شهور تقريبا....ويمكن ما تخلص الا وانا سمينه ويخرب كل شي

طبعا كملت معهم لحد اخر شي وحددت موعد العمليه وكل شي ...بس قلت لهم بعد بكره ارد عليكم وااكد لكم اذا كنت جايه او لا.........وبعد ما رجعت البيت فكرت في الموضوع بجديه

لو اخذ ربع المبلغ اللي باحطه للعمليه واشري فيه اجهزه تساعد على الرياضه بالبيت ...واشترك بنادي ....واحجز بصالون لعمل مساج اسبوع ....واشترك بمسبح.....واستخدم كريمات للشد والباقي اتصدق منه .....لاحظي هذا كله من ربع المبلغ بس
اسوي نظام غذائي يناسبني لانه ايا كان بعد العمليه اذا سويتها راح اكون بنظام غذائي واجباري بعد فاحسن لي انحف براحتي واشد جشمي بشكل تدريجي بدل ما اشده بعمليه ويصير كانه وجه خريج سجون او قرصان مخيط من كل مكان.


وبكذه صرفت نظر عن الموضوع نهائيا ....طبعا كلمت العياده وقلت لهم اني غيرت رائيي


ياختي الغاليه هذي وجه نظري وما حصل معي .....فكري جيدا واستخيري الله سبحانه

اسال الله العلي القدير ان يهديك لطريق الصواب وما فيه خير لك