شفوا خطيبي سابقا شو ارسلي مسج(قديم )

بسم الله الرحمن الرحيم
السلام عليكم ورحمة الله وبركاته

كنت ملكه وعلى وشك زواج وبجهز للعرس وكل شي فرحانه زي كل وحدة تبي تعرس وفجاءة صارت مشاكل وام المعرس ما تحبني اصلا ولا مقتنعه فيني وفجاءة تركني بدون سبب واضح ظلما وبهتانا وسار تزوج غيري من اختيار امه طبعا ولا طاع يسمعني وجرحني وخلاني مثل النملة قدام الناس وجرحني جرح كبير وفعلا حسيت شلون احساس المظلوم والادهى انه مافكر يعتذر او يطلب اسامحه وكسر قلبي وجرحني جرح كبير حرمني من فرحتي بعد احلام حلوة عشتها حرمني بدون سبب الا لانه امه ما تحبني وتمت وراه لين تركني ظلمني ظلم ماله اول ولا اخر انجرحت سهرت ليالي ودموعي على خدي وبكيت بحرقه المظلوم وقلت كلمة وحدة حسبي الله ونعم الوكيل فيك يافلان وكلكم تعرفون دعوة المظلوم وربي استجاب دعائي نعم فليس بين دعوة المظلوم وبينه حجاب تصل لسابع سما ويقول الرب عزوجل وعزتي وجلالي لانصرنك ولو بعد حين وطبعا ارسلي مسج اليوم الاخ يقولي انتي تدعين عليه وانا مو متوفق بشي كل شي مسدود بوجهي كرهت حياتي مشاكل بشغلي بترك الشغل ومشاكل في البيت وحرمتي فيها السكري من دعواتك انا يابنات دعيت مرة وحدة وانسيته وفوضت امري الى الله بس رب العالمين جالس يأخذ حقي منه لدرجة انه يترجاني لاتدعين علي ربنا جالس يستجيب دعواتك قلتله انا دعيت مرة وحدة واصلا انا نسيتك خلاص المهم ياليته حس بذنب لا ليسه يكابر وبس خايف من دعواتي عليه وصراحه انا فرحت لانه ربي نصرني بس ما تشمت فيه وكل يوم جالس يستويله مصيبه اكبر من الثانيه ربي يسامحني ما ادري بس هذي جزاة الظلم شينه وش رايكم وش ارد عليه