شفوا وش سويت بالمليون

في يوم من الأيام كانت الدنيا ضايقة فيني بما رحبت وقمت وجلست اصلي وادعي ربي طول الليل إن الله يفرج همي الا اسمع جرس الباب يدق قلت في نفسي غريبة من الي يدق الجرس في هالوقت المتاخر وصحت أمي وخواتي الي في البيت وحنا نقول الله يستر .... راحت أمي إلى الباب وقالت من عند الباب
قال ياخاله اسف على إزعاجكم بس ابغى منكم تقبلون هالهدية مني ودخلها من تحت الباب الا هو شيك وقرأت الشيك الا مكتوب فيه مليون ريال سعودي :icon28: واستغربنا هالامر أنا وأمي وخواتي قلن من أنت وش قصة هالشيك قال ياخاله أنا ولله الحمد تاجر بس لي فترة أرى في المنام شخص في الحلم يأمرنا إني أعطيكم هالمبلغ !!!!!! وغادر المكان .. جلسنا مع أمي مو مصدقين الي نسمعه والشيك الي معنا ..قلن يمكن نحلم وجلسنا لين جاء الصبح حتى نروح نتأكد من الخبر للبنك المكتوب على هالشيك ,,, وقلوبنا تدق من الخوف خفنا أحد يتهمنا بشي ,, المهم رحت مع أمي وأختي البنك ولقينا ترحيب من مدير البنك وجلسونا في غرفة قالوا هذي غرفة العملاء المتميزين ,,, وسألنا تبغون تسحبون المبلغ أو نفتح حساب خاص بكم ... طبعا فتحنا حساب وقال المدير بكرة تلقون المبلغ في حسابكم ... وحنا طالعين كنا طول الوقت نضحك ونقول حنا في حلم أو علم ,,, المهم رجعنا البيت وتنقشنا مع أمي وش راح نسوي بالمبلغ ,,, قلن اهم شي نسجد جميعا شكر لله لأنه استجاب دعائنا وأرسل هالشخص لنا علشان ينقذنا من الي حنا فيه لويعرف وش الاجر الي يجيه من هالمبلغ الي عطناه !!! المهم أمي أول شي اصرت تعطي خالتي 50000الف لأنها مسكينه:icon33: وعليها ديون وأنا قلت لأزم ندخل أمي احسن مستشفى علشان يكشفون على قلبها وعيونها الي معاد تشوف فيها ونشتري سيارة لامي ونحط فيها سواق بدل هالسكه الي دائما تقطعها علشان تزور احد او تشتري لنا اغراض ونعطي البنك القسوط الي علينا ونرتاح من الديون:(
ونشتري لاختي الكبيرة بيت وتطلع من مشاكلها مع اهل زوجها ,,,, ونشتري لنا دور ارضي تعيش فيه امي بقية عمرها ولو تكون استراحة افضل علشان نحط فيها غنم ودجاج ....ونستأجر شقة في مكة نجلس رمضان فيها ونعتمر ونحس بطعم العمرة ,,,,ونفتح محل صغير لأخي الصغير يشتغل فيه بدل جلستة في البيت ,,,,

ونسدد ديون اخوي الكبير الي كان سبب في صعوبة حالتنا المادية ...
واشتري لزوجي جيب 2007علشان يحقق هالامنية الي في نفسه من عشر سنين ومايعطي الناس الي عندهم جيوب عين

وافتح ملف في سليمان الحبيب وشوفون سبب تاخر حملي
واعطي كل وحده من خواتي 100000علشان تحقق الي نفسها فيه وتشتري الي تبيه

الحمدلله الي أرسل هالتأجر علينا

والحمدلله على نعمة أحلام اليقظة لانها تريح الانسان إذا شاف الدنيا مقفله معه ففي الحلم نصرف الناس مثل مانبغى

أرجو إني ماثقلت عليكم بس هذا حلم حلمت فيه وأنا في كامل يقظتي بس ياهل ترى سووووف يتحققق

ومازلت انتظر دق الجرس :(