شفو شنو اللي سويته وشو سوه فيني

اهلا بنات ،،،،
امس و كنت قاعده لحالي في البيت ومحد معاي احد (اهم شي ابو العيال) عشان لا يشوف المصايب اللي اعملها بحالي و الروايح اللي بعد احطها ، قلت لنفسي باقي على ابو العيال 3 ساعات قلت قوم يا حرمة و حطيلج زيت العافية مع المحلب اللي منقوع صار كم يوم ما استخدمتيه ، و حطيته في شعري و حطيت عليه القبعة نايلون مال الشعر -هذا اللي يتسبحون فيه ما اعرف وشه اسمه- المهم و بعد ساعتين قمت المطبخ و فتحت الثلاجة و ذكرت اني في واحده من خواته في المنتدى كاتبه الخلطة بس انا حرفت فيه شوي و كانت خلطتي (زيت الزيتون + زيت الخروع + مايونيز + بيضة كاملة ) طبعا المقادير على حسب طول شعرج انا حطيت و بس و خلطهم عدل بالمضرب و حطيتهم على شعري لمدة ربع ساعة و بعدين غسلته بالشامبو kms مع البلسم ماله (شاريتهم من مجمع السيف لونه اهو فيه من الوان انااخت اللون الوردي عشان يطلع الشعر حريري ، و اختي اخذت الاخضر عشان بيعطي الشعر حجم و كثافة ) و بعدين حطيت عليهم فاشكوول على اللوز لان شعري مصبوغ لمدة ربع ساعة بس انا ما قعدت بالحمام -الله يعزكم - لا طلعت رحت الحجرة و ضربته هواء من الاسشتوار عشان يمتص شعري الكريم ،و بعد الربع ساعة غسلت شعري و بماي البارد و انا ادلكه ،و بعدين نشفته زين ، و عملت الغرة (القصة- مقدمة الشعر بيه )
عاد اهني لا يحوشكم ما صدقتكته كل ما رفعته طب على وجهي وكل رفعتها طبت قلت لنفسي يا مريوم يلا سوي كامل و فجاي ابو الشباب وكان اعمله و استخف على حالي
لكن لما وصل ابو الشباب سديه قال :32: واااااااااااااااااااااااااااو حلو شعري ، جان و اقوم ادلع عليه نفس دعايات الشامبو اللي في التلفزيون ، جان يقول سويته الغده قلت ايه العشاء قلت لا قال اليوم بنطلع انتعشاه بر :10_8_9: ه _عاد انا متحجبه_ و كل شوي قالي داخلي الغرة طالعه :angry2: _ وانا اقول في خاطري كل هذا من النعومة ويلللللللللللللي :icon28: نجحت المهمة بنجاح... ;)


و خلاص
ادري اني طولت بس حبيت اقولكم الصج وشنو صار عشان تتاكدون اني ما قاعدة اخربط و الله شاهد على كلام .....