شفيني 👻😳

السلام عليكم .. بنات انا مادري شفيني هالايام صايره كثير اجامل زوجي واهله وانا مو خاطري اقعد مع احد ابدا ايلس شوي تييني ضيقه ما اتحمل وانسحب اروح اقعد لحالي وزوجي يرسلي شفيج ليش تروحين وتعالي يلسي معنا واتعذر باي عذر عشان ما ايلس معاهم اهم طيبين معاي كثير وانا بعد نفس شي .. بس مادري حاسه اني ابا اكون بروحي مو بس لزوجي واهله حتا اهلي ما يلي خاطر اروح بيتنا ابدا انا متزوجه بعيد وايد وزوجي يوديني ف شهر لازم اسير واسلم ع امي واهلي وايلس احيان جم يوم او اسبوع وهالمره هو مستغرب مني ليش ما قلتله يوديني وقالي ما تبي تروحي تزوري اهلج قلتله لا بس امي اتصل فيها كل يوم او يومين اطمن عليها ما يلي خاطر احسني ابا اكون وحيده .. مع اني ولله الحمد مواضبه ع القران والاذكار بس هالشعور ملازمني وانا ما عندي عيال للحين والمشكله مني قنوات فالوب مسدوده الحمدلله رب العالمين وحملت انابيب ف 2 وسقطت ف رابع قبل 3 شهور ومن كثر الالم الجسدي ونفسي لي مريت فيه ومحد يمي من اهلي قلت هذي اول واخر مره لان بعد زوجي ع قد حاله ومعاه قروض وكذا والعمليه كلفتنا كثير الحمدلله ع كل حال لا اعتراض .. انا اتريا الفرج من ربي ومتامله اني بحمل طبيعي لاني واثقه من ربي بيعطيني بعد هالصبر .. بس زوجي مستعيل يبي يهال ويغار من اخوانه لما ييبوا يهال او خواته يقعد يبكي لما يولدون بس مو غيره حسد لا بالعكس يبارك لهم ويفرح لهم وانا احيان يخليني احس بالذنب واحيان اقول ليتني ما تزوجت ... الحمدلله ع كل حال ربي لا تذرني فردا وانت خير الوارثين ..